تورکمن نیوز - بردینیاز نورانی (تورکمنستان-دان): دوشمان گؤگدِپه قالاسينينگ ايچينه گيريپدي. توٌركمِنلر ياراغسيز بوُلسالاردا، يوٌز به يوٌز ، ياراغلي دوشمان بيلن سؤوشيأرديلار . ماسليقلار آياق آستيندا ياتيردي.
بيكه زنانلار ياردیمي بيلن يارالي توٌركمِنلري تيمارلاياردي. اوُنينگ آدامیسي هِم آغير يارالي بوُلوپ گؤزلري يوموليپ، دوٌنيأده نه باريني بيلمأني ياتيردي.
داشاريدان بيردِنكه:
- عاياللاري قالادان داشاري چيقارينگ. دوشمان قالاني آلدي. ديیيپ سِس گلدي. اونينچا دوشمانلار اؤيونگ ايچينه گيرديلر و يارالي ياتانلارينگ باريني قيريپ باشلاديلار.
سالداتلارينگ بيري، بيكه دايزانينگ آدامیسيني اوُق بيلن آتدي. بيكه موني گؤروپ سالداتا دوُپولدي. سالدات موني گؤروپ بيكأني هِم توٌپنگلهدي. اوُق اوُنونگ قورساغينينگ چپ طاراپيندا يرلِشدي. بيكه گؤزي قارانگقيلاپ، باشي آيلانيپ ييقيلدي و اؤزوندن گيتدي.
***
بيكه گؤزوني آچدي. گوٌن ياشيپ قارانگقي قاچيپدي. تؤورگينه سِراِتدي. سالداتلاردان هيچ حابار يوُقدي. يريندن آريمليق بيلن قالدي. قارانگقيليقدا سِرمِنِكلأپ آدامسينينگ ماسليغيني تاپدي. اوُنونگ اِللِريندن توتوپ سوٌيرهدي و داشاري چيقاردي.
قالانينگ ايچينده ماسليقلاردان باشغا زات يوقدي. بيكه دِرت چكسهده ماسليغي سوٌيرأپ قالادان هِم داشاري چيقاردي و بير ايكي كيلومِتر آرا آچدي.
آدامسينينگ خانجاريني چيقاريپ، يري غازيپ باشلادي. گيجأنينگ ياريندا، آدامیسينينگ مازاري تاييار بوُلدي. ماسليغي مازاردا قوُيديدا، توُپراق قويوپ دوران حاليندا شيله ديدي:
اِلدن گيتدي شير تِك باشيم
اوميتلاريمي اِليم گؤمِر
قاويشار يالي عِزيزيم
مِني توُپراقدا كيم گؤمِر؟
دانگ آتيپ گِليأردي. بيكه، مازاري توُپراقدان دوُلديريپ. مازارينگ باشيندا نامازا دوردي. اوُل سوٌرهلري اوقاپ سِجدأ گيتمك اوٌچين اوُتوردي و مانگلاييني يره يتيردي. ولين بيكه هيچهاچان مانگلاييني سِجدهدن قالديريپ بيلمهدي چوٌنكي اوُنينگ جاني تِنيندن چيقيپ، آسماندا قانات ياييپ، شهيتلره قوُشوليپدي.
چشمهسی: اولکأمیز (بیر آز یازووسینینگ یالنگیشلاری دوغورلاندی)
دیدگاهها
تورکمن یازوو قادالاریندا " ق " بیلن "غ " یازووسینینگ باراسیندا بیر آز بیلگی:
(غ) حارپینی تورکمن سؤزلرینده ایلکینجی ادیپ پیدالانیپ بولمایار.
نأمه اوچین؟
بیر: بیزینگ یازوو تاریخیمیز بیزه بو اورسغادی برمه یأر. قدیمدان (قیز. قودوز. قایغی. قوشغی) یازیپدیرلار آتا-بابالاریمیز.
ایکی: (ق) حارپی بیزینگ یازوومیزدا گؤزه اؤورنشگیلی.
اوچ: باشغا تورک ملت لری هم بیله یازیارلار. باشغا تورک ملتلر بیزینگ شاهیرلاریمیز و یازیجیلاریمیزینگ اثرلرینی آنگساتلیق بیلن دوشونرلر.
دورت: بو یازوو گؤزه اورنشگیلی بولانسونگ شول مدرسهلرینگ پارس و عرب اؤوره دیشلری (آموزش) بیزه یترلی بولیار. دییمک بیزینگ چاغالاریمیز و اولولاریمیز کلاس گؤرمهسهلر هم تورکمنچأنی آنگساتلیق بیلن اوقاپ بیلرلر.
و....
غئز. غودوز. غایغئ. غوشغئ. غئمئلداماق. غئل. غئلئق ؛ بیزینگ یازوومیزدا یری یوق. یول آلمایار.
-----------
یازایلینگ:
قیز. قودوز. قایغی. قوشغی. قیمیلداماق. قیل. قیلیق
----------------
ینه کوپرأک بیلیم آلماقچی بولسانگیز یوقاردا - سایتینگ فرهنگی بؤلومینده ؛ معرفی کتاب باردیر - شوندان تورکمن یازوو قادالاری کتابی سایلاپ دانلود ادیپ بیلرسینگیز.
ساغ بولونگ.
نکاتی چند می بایست متذکر می شدم که امیدوارم مورد توجه قرار گیرد : 1 - نوشته بودید که نویسنده ی این داستان از ترکمنستان می باشد ولی اینجانب اهل ترکمن صحرا هستم . 2 - نوشته بودید که کلماتی را از نظر املایی اصلاح نموده اید ولی به نظر من نوشته ی صحیح را نادرست نوشته اید . مانند : کلمات دو سطر آخر را در نظر بگیرید ، کلمه غوُشیلدی را بصورت قوُشیلدی نوشته اید که این کلمه در زبان ترکمنی با غ تلفظ می گردد نه با ق .
با تشکر
غایرالی