79736
24 July 2020
ترکمن نیوز: ایاصوفیا مسجدی نینگ ایلکینجی جومغا نامازینا تورکیأنینگ جمهور باشلیغی و مونگلرچه مسلمان قاتناشدی.
۸۶ – ییلدان سونگرا ایاصوفیا مسجدینده شو گون ایلکینجی جومغا نامازینا آچیلدی و اونونگ ۴ مناراسیندا ۴ قاری آذان آیتدی.
تورکیأنینگ جمهورباشلیغی رجب طیب أردوغان دا مسجده گلدی و جومغا نامازیندان اوُزال حمد و بقره سوره‌سی‌نینگ ایلکینجی ۵ آیاسینی اوقیدی.
ساعت 12-ده مسجده گلن تۆرکیأنینگ جمهورباشلیغی ایلدشلر تاراپیندان مأهیرلی یاغدایدا قارشی آلیندی.
ناماز اوقاماق اوچین میدانلاری دولدوران مسلمانلار أردوغان اوچین سویوپ شعار بردیلر.
تورکیأنینگ جمهورباشلیغینا، آرا قاتناشیق اداراسی نینگ باشلیغی فخرالدین آلتون یوولداشلیق اتدی.
تورکیأنینگ دیانت قوراماسی نینگ باشلیغی علی أرباش أردوغان-ی قارشیلادی و أردوُغان جومغا نامازی اۆچین ایاصوفیای کبیر مسجد شریف‌ینه گیردی.
تۆرکیأنینگ جمهورباشلیغی نینگ اوُرونباساری فواد اوکتای، تۆرکیأنینگ بیک میللت مجلیسی نینگ باشلیغی مصطفی شن توُپ، آراقاتناشیق اداراسی نینگ باشلیغی فخرالدین آلتون، ساغلیغی قوُراییش وزیری فخرالدی قوُجا و میللتچی حرکت پارتیاسی نینگ باشلیغی دؤولت باغچالی ده جومغا نامازی اۆچین ایاصوفیا مسجدینه گلدی.
جماعت، دیانت ایشلری قوراماسی نینگ باشلیغی علی أرباش بیلن دوُغا اوُقیدی، سوُنگ بوُلسا جومغا نامازی اوُقیلدی.
کؤپ سانلی داشاری یورتلی ژورنالیست دا بو دابارا اۆچین ایاصوفیا مسجدینه گلدیلر، مسلمان یورتلار و عرپ دۆنیأسیندن گلن ژورنالیستلار گؤنی افیردن ایاصوفیانی گؤرکِزیأر.
مسجدینگ ناماز اۆچین طایارلانماغی توییتردان دا #AyasofyaCamii اتیکتی بیلن حابار بریلدی. بو اتیکت دۆنیأده توییترینگ بیرینجی هشتگی بوُلدی.
سیزینگ نظرینگیز
سونگقی خبرلار
۰۹ خرداد ۱۴۰۲
۰۷ خرداد ۱۴۰۲
۰۱ خرداد ۱۴۰۲
۲۵ اردیبهشت ۱۴۰۲
۲۵ اردیبهشت ۱۴۰۲
