تورکمن دیلی کرکوک‌دا یانگاداندان رسمی دیللرینگ آراسیندا

عراغینگ حؤکومتی کرکوک‌دأکی رسمی دیللره تورکمن دیلینی یانگاداندان قوُشدی.

عراغینگ رسمی حابار سریشده‌سی، باش وزیر محمد شیاع السودانی‌نینگ تورکمن دیلی‌نینگ یازوولاردا و ادارا یازیشمالاریندا یانگاداندان اولانیلمالیدیغی بارادا گؤرکِزمه برندیگینی بیلدیردی.

موندان اوُزال عراغینگ باش وزیرلیگی کرکوک‌دا ادارا یازیشمالاریندا دینگه عاراپچا و کورتچأنینگ اولانیلمالیدیغی بارادا کرکوگینگ ولایات حأکیملیگینه حاط اوغرادیپدی.

کرکوک داقی کؤپ سانلی تورکمن یاشاییجی بو مسئلأ قارشیلیق گؤرکِزیپدی.

عراغینگ تورکمن جپهه‌سی‌نینگ سیاسی اداراسی محمد شیاغ السودانا چاغیریش بریپ شوُل قاراردان جاییلمالیدیغینی بیلدیریپدی

عراغینگ مجلیسی‌نینگ تورکمن توُپاری‌دا کرکوک‌دا تورکمنچأنی گؤرمِزدن گلیپ اساسی قانونا قارشی ایش آلیپ باریلیاندیغینی آیدیپدی.

تورکیه‌ده بو مسئلأ قارشیلیق گؤرکِزیپدی.

شیله‌لیک بیلن تورکمنچه‌ده کرکوک‌دا ادارا و آراقاتناشیق دیلی حؤکمونده اولانیلماغا دوُوام ادر.