یورولیگ: آنادوُلو افس توُپاری اوروپانینگ بسکتبالی لیگی‌نینگ قاهریمانی بوُلدی

تورک هوُوا یوُللاری اوروپا لیگی‌نینگ دؤرت توُپارلی فینالیندا آنادوُلو افس بسکتبال توُپاری اسپانینانینگ بارسلونا توُپارینی 86-81 حاسابی بیلن ینگدی و اوروپانینگ قاهریمانی بوُلدی.

بیرینجی کوارتردا بارسلونا 22-15 حاسابی بیلن اؤنگه گچدی.

تورکیأنینگ آنادولو افس توُپاری ایکینجی کوارتری 24-14 حاسابی بیلن تاماملادی.

اوچونجی کوارتردا دا آنادولو افس 26-22 حاسابی بیلن ینگیجی بوُلدی.

دؤردونجی کوارتردا بارسلونا 23-21 حاسابی بیلن اؤنگه گچسه ده آنادولو افس توُپاری 86-81 حاسابی بیلن یاریشی تاماملادی و اوروپانینگ اینگ گویچلی یاریشیندا قاهریمان بوُلدی.

فینال یاریشی آلمانیانینگ کلن شهریندأکی لانکسس آرنادا گچیریلدی.

موندان اوُزال 2016-2017 ییلی یاریشلاریندا تورکیه‌دن فنرباغچه بسکتبال توُپاری یورولیگینگ قاهریمانی بوُلوپدی.

یورولیگده شو واغتا چنلی رئال مادرید 10 گِزِک، زسکا مسکو 8 گِزِک، مکابی تل آویو و پاناتیتایکوس 6 گِزک قاهریمان بوُلدی.