135099
21 February 2025
تورکمن نیوز- ایران‌ینگ جمهورباشلیغی مسعود پزشکیان آمریکانینگ باسیشی‌نینگ آستیندا گِپله‌شیک گچیرمه جکدیکلرینی آیدیپ تورکچه شعر بیلن آمریکا جوغاپ بردی.
ایران‌ینگ دولت تلویزیون کانالی‌نینگ برن معلوماتینا گورأ مسعود پزشکیان تهران‌دا گچیریلن بیر دابارادا آمریکا بیلن ایران‌ینگ مذاکره ادیپ اتمه‌جکدیگی حاقیندا گوررونگ بردی.
آمریکانینگ ایرانا “اورأن کوپ باسیش” ادیأندیگینه اونس چکن پزشکیان، “بیز مذاکره اتمه‌ریس دیمه دیک. باشیندان بأری مذاکره ایسله یأندیگیمیزی آیتدیق اِمما هر شرط بیلن مذاکره اتمه‌ریس. بیزه چأکلندیرمه قویوپ سونگرا راکت و یاراغلارینگیز بولماسین دییپ ینه مذاکره ادیلینگ دییپ بولماز” دیدی.
ایران‌ینگ جمهورباشلیغی گپله‌شیک‌لرینگ حورمات بیلن بولمالیدیغینی آیتدی و شیله دوام اتدی:
“تورکچه بیر قوشغیمیز بار. شیله دییأر: گچمه نامارد کوپری‌سیندن قوُی اکیتسین سیل سنی، یاتما تیلکی کوله‌گه‌سینده، قوی ایسین آرسلان سنی.
تهدیت بیلن بیزه هر زادی اتدیرمأگه مجبور ادیپ بیلجکدیکلرینی فکیر ادیأرلر. بیز انسان دیرس و حورمات اساسیندا گپله‌شریس اِمما باسیش‌لارا دا بویون اِگمه‌ریس” دیدی.
آمریکا و اسرائیل‌ینگ تهدیدلریندن قورقمایاندیق‌لارینی سوزلرینه قوشان پزشکیان “بیرنأچه‌لر اسرائیل‌دان قورقیار چونکی آمریکا اونی قولدایار، اِمما بیز قورقمایاریس و قورقماریس. الله‌ینگ کمِکی بیلن بوتین قینچیلیق‌لاری چوزگوده قووشوراریس اِمما بو بیر گیجه ده بولوپ بیلجک زات دألدیر” دیدی.
سیزینگ نظرینگیز
سونگقی خبرلار
۲۵ اسفند ۱۴۰۳
۱۵ اسفند ۱۴۰۳
۰۴ اسفند ۱۴۰۳
۰۳ اسفند ۱۴۰۳
۰۲ اسفند ۱۴۰۳
