131866
16 October 2024
تورکمن نیوز- ایرانینگ جمهورباشلیغی مسعود پزشکیان، پایتخت تهرانا سفر قوران آذربایجانینگ باش وزیرینینگ اورونباساری شاهین مصطفایووی قابول اتدی.
قابول ادیلشیکده ایکی یوردونگ اورتاق تاریحی و مدنیتیه اونس چکیلدی.
ایرانینگ آذربایجان بیلن قاتناشیقلارینا اولی أهمیت بریأندیکلرینی آیدان ایرانینگ جمهورباشلیغی “سیز بیزینگ دوغانیمیزسینگیز و ایکی یوردونگ آراقاتناشیغینینگ اوسمهگی اورأن أهمیتلیدیر” دیدی.
باشغا یورتلارینگ بولگهده بولماغینی یاغشی گورمأندیکلرینی آیدان پزشکیان شو واغتقی مسئلهلرینگ یورتلارینگ اوزلری تاراپیندان چوزگوده قووشوریلمالیدیغینا اینانیاندیقلارینیدا سوزلرینه قوُشدی.
ایرانینگ جمهورباشلیغی “ایران آذربایجان جمهوریتی بیلن آراقاتناشیقلاری اوسدورمهک مقصدی بیلن آلیپ باریلان هر پروژأنی بگنچ بیلن آلیپ بارار” دیدی.
آذربایجانینگ باش وزیرینینگ اورونباساری شاهین مصطفایف ده “آذربایجانینگ جمهورباشلیغینینگ وکیلی حوکمونده ایران بیلن اقتصادی، سؤودا، انرژی، مدنیت، ترانزیت، اوُرتاق قوری یوُل و دمیریوُل حاطلارینینگ اوسدوریلمهگی و حووپسوزلیق و قورانماق پوداقلارینداقی قاتناشیقلاری یوقارلاتماق ایسله یأندیگیمیزی آیدیارین. ایران بیلن قاتناشیقلاریمیزا اولی أهمیت بریأریس” دیدی.
شاهین مصطفایف مسعود پزشکیان-ی آذربایجانینگ جمهورباشلیغی الهام علییف آدیندان باکو شهرینه چاغیردی.
دگیشلی یازغیلار
سیزینگ نظرینگیز
سونگقی خبرلار
۱۹ بهمن ۱۴۰۳
۱۷ بهمن ۱۴۰۳
۱۳ بهمن ۱۴۰۳
۱۱ بهمن ۱۴۰۳
۰۶ بهمن ۱۴۰۳