• خبرینگ کدی :

    93041

  • /
  • تاریخ :

    ۲۶ فروردین ۱۴۰۰

  • پ

فراغی ترکمن نیوز 287x300 - مخدومقلی حقینداقی روایَت‌لار، آدی قارّی مُلّا بولسونتورکمن نیوز: مخدومقلی یوناچی گرکز ایلینه آتانیاز قادرینگ خانلیق سورن دَورونده گلیپدیر.

اول آتانیاز قادر خانینگ یانینا باریپ:

– اوبانگیزدا من دایخان دورار یالی مالجانلی آدَم بارمی؟-دیییپ سوراپدیر.

آتانیاز قادر:
– آدملارینگ کوپوسی قیشیقلار، شولارا بار-دیییپ، قیشیقلارینگ اوتوریان یرینی سالغی بریپدیر. مخدومقلی یوناچی قیشیقلارینگ بیرینینگ اویونده بولوبریپدیر. اوی ایه‌سی اونی اوزونه اوغول ادیپ آلیپدیر.

اونونگ عقللی، پاراساتلی ییگیتدیگینه گوز یتیرندن سونگ، «هیچ یره گیتمز » دیین نیّت بیلن
آغاسینینگ یتیشن قېزېنی توی ادیپ بریپدیر.

مخدومقلی یوناچی اویلی-ایشیکلی بولاندان سونگ، آت را یونا، اویان، چکی، آدملارا کوووش، مسی تیکیپ، اوزباشداق گذران گچیریپ باشلاپدیر. بوش وقتلاری بولسا، کوموشدن عیاللارینگ شای-سپ‌لرینی یاساپدیر.

یوناچی قاتی سالیخاتلی آدَم بولوپ‌دیر. گلین-قېزلارا گوز قالدیرمان، دینگه اوز ایشینی بیلیپدیر.

شونگا گورأ اونی قایین توپاری، توتوش ایل قووی گوروپ‌دیر.

مخدومقلی یوناچیدان قارّان دَورونده بیر اوغول بولوپدیر. اولار چاغا نأمه آت قویجاقلارینی بیلمأندیرلر.

شوندا بیری:
– مخدومقلی‌نینگ اورتا یاشدان آغانسونگ اوغلی بولدی. چاغانینگ آدی قارّی بولسون!- دیییپ‌دیر.

بو سوز مخدومقلی یوناچا یاراپدیر. اول:

– دوغری آیدیارسینگیز، بو اوغول قارّان وقتیمدا بولدی. منینگ آتامینگ آدی دولت‌محمّددی.

چاغا اوقادانسونگ، اونگا قارّیمُ دیییپدیرلر. قوی، چاغانینگ آدی قارّیمُ بولسون!-دیییپدیر.

شیله‌لیکده، مخدومقلی یوناچینینگ ماشغالاسیندا ینه دولتمحمّد-قارّیمُ دُنیأ اینیپدیر.

چشمه‌سی: مخدومقلی حقینداقی رَوایَتلار. تورکمنستانینگ علم‌لار آکادمیاسینینگ ملّی قولیازمالار اینستیتوتی، تورکمن دولت نشریات قوللوغی، ۲۰۱۴.

پایلاماز :
پایلاشینگ :
بیلیگ لر :

تلگرام

کانالیمیزا آغضا بولونگ

اینستاگرام

صاحیپامیزی ایزارلانگ

سیزینگ نظرینگیز

*

*
*

بالا
ترکمن نیوز