قمر رویا ایشچی‌نینگ “مایسالار باش گؤته‌رنینده” آدلی شعرلر توپلومی چاپدان چیقدی

بو توپلوم، مرحوم توکل‌شاه ابراهیمی‌نینگ ماشغالاسی‌نینگ مالی کؤمه‌گی و دکتر شفیقه یارقین‌ینگ کوششی بیلن ایلکینجی چاپدا ایکی یوز جلد، مزارشریفدا چاپلانیپ خلق کؤپچۆلیگینه هؤدیرلندی.

قمر رویا ایشچی، 1365-ینجی شمسی ییلیندا، قندز ولأیت‌ینگ قلعه‌ذال اولوسواللیغیندا دۆنیأ اینیپ، کابل، مزارشریف و جوزجان ولأیتلرینده یاشاپدیر.

اونونگ آتاسی مرحوم عبدالمجید ایشچی هم اؤز دؤورنینگ بییک شاعرلارینداندیر. اول، اؤز گچن عمرنینگ دوامیندا، استادلیق، ژورنالیستلیق، ترجمانلیق و اداری ایشلر بیلن مشغوللانیپدیر.

رویا ایشچی، کؤپلنچ اۆچ دیلده: تورکمن، فارسی-دری و ازبک دیللرینده شعر، حکایه و دورلی مقاله‌لار یازیوندیر.

اول، غوویراق، یازان آق شعرلری و چاغالار اوچین یازان حکأیه‌لری بیلن تانیلیور.

قمر رویا ایشچی، حاضر اؤز ماشغالاسی بیلن تورکیه یوردیندا یاشایور.