• خبرینگ کدی :

    128529

  • /
  • تاریخ :

    18 May 2024

  • پ

تورکمن نیوز-  افغانستان‌ینگ، فاریاب ولایتی‌نینگ، اندخوی اولوسوال‌لیغیندا، مخدوم‌قلی فراغی‌نینگ 300 ییللیغی مناسبتلی، تورکمنستان‌ینگ خدمتداشلیغی بیلن بیر اولی دابارا گچیریلدی.

300x300 - فاریاب ولایتینده مخدوم‌قلی فراغی‌نینگ 300 ییللیغی مناسبتلی اولی دابارا گچیریلدی

27-ینجی ثور، پنجشنبه گونی، بییک تورکمن شاعری و عارفی مخدوم‌قلی فراغی‌نینگ 300 ییللیغی مناسبتلی، فاریاب ولأیتی‌نینگ، اندخوی اولوسوال‌لیغینینگ تالاریندا، دوستلیقلی یورت تورکمنستان‌ینگ خدمتداشلیغی بیلن اولی دابارا گچیریلدی.

بو دابارا تورکمنستان‌ینگ باش قونسولی‌نینگ، قزاقستان‌ینگ ایلچی‌سینینگ و بؤیله‌کی داشاری یورتلی مهمانلارینگ قاتناشماغی بیلن اورتا قویولیپ، اونگا حکومت ایشگأرلری، بیلیم یورت استادلاری، شاعرلار، یازیجی‌لار، رعیت ایشنگیرلری، یاش‌اولی‌لار و یاشلار قاتناشدی،

بلخ، جوزجان و بادغیس یالی یقین ولایتلردن مهمانلار گلدی.

بو کنفرانس‌دا، بلخ بیلیم یوردینینگ ماسترلیق پروگراملارنینگ باشلیغی پروفسور دکتر محمدصالح راسخ، جوزجان بیلیم یوردینینگ تورکمن دیلی و ادبیاتی بولومی‌نینگ استادی پوهندوی عبدالرحیم غاتیباش، شاعر و یازیجی غلام‌سخی وکیلزاده، زلمی عزیزی و باشغالار… اؤز گزه‌کلری بیلن مخدوم‌قلی فراغی و اونونگ تورکمن ادبیاتینداقی تأثیری حقیندا سوز یوریتدیلر و بو کنفرانسدا خدمتداشلیغی اوچین دوستلیقلی یورت تورکمنستانا منتدارلیق بیلدیردیلر.

بو چأره‌ده تورکمن خلقی‌نینگ شای‌سپلری، آق اوینینگ صورت‌لاری و ملی اگین-اشیکلر گورکه‌زیلدی. و «دولت‌گلدی فدایی» بیلیم مرکزی‌نینگ اوقوچیلاریندان بیریگن، ترانه توپاری طرف‌یندان ترانه یرینه یتیریلدی.

موندان بیر نأچه گون اوزال، افغانستان‌ینگ بلخ ولایتینده هم حکومت طرف‌دان مخدوم‌قلی فراغی‌نینگ 300 ییللیغی مناسبتلی اولی دابارا گچیریلدی.

مخدوم‌قلی فراغی‌نینگ 300 ییللیغی، تورکمن و تورک اوتوروملی کوپ یورتلاردا گینگدن گچیریلدی و بو اوغوردا چأره‌لر دوام اتجکدیر.

پایلاماز :
پایلاشینگ :

تلگرام

کانالیمیزا آغضا بولونگ

اینستاگرام

صاحیپامیزی ایزارلانگ

سیزینگ نظرینگیز

*

*
*

بالا
ترکمن نیوز