سلیمان سوُیلو: سوریه بیلن اوُوغانیستان‌دان مونگلرچه تورکمن، تورکیأنینگ یورتداشی بوُلدی

تورکیأنینگ ایچری ایشلر وزیری سلیمان سویلو ایستامبول دا آدی یازیلان 1 میلیون 305 مونگ بوسغونینگ باردیغینی آیتدی.

سویلو شولارینگ 500 مونگی نینگ سوریه لی بولاندیغینی بیلدیردی.

تورک وزیر تورکیه ده شو واغتلاردا 3 میلیون 762 مونگ 686 سانی سوریه لی نینگ واغتلایین قوراغ بیلن یاشایاندیغینی آیدی.

تورکیه ده اقامت روغصاتی بیلن قالیان داشاری یورتلیلارینگ سانی نینگ دا 1 میلیون 417 آدام بولاندیغینی آیتدی.

سلیمان سویلو حالقارا قوراغ بیلن چاقنیشیق و ساواشدان قاچیپ تورکیأ گلنلرینگ سانی نینگ دا 320 مونگ آدام بولاندیغینی آیتدی.

تورک وزیر 2011-نجی ییلدان بأری 200 مونگ 950 سوریه لی نینگ تورکیه جمهوریتی نینگ یورتداشی بولاندیقلارینی نیغتادی و شولارینگ 87 مونگ 296-سی نینگ چاغا بولاندیغینی بیلدیردی.

سویلو یورتداشلیق بریلن سوریه لیلرینگ 47 مونگ سانیسی نینگ تورکمن بولاندیغینی سوزلرینه قوشدی.

تورکیأنینگ ایچری ایشلر وزیری سونگقی 5 ییلدا 17 مونگ اووغانیستانلی تورکمن و 6 مونگ 787 اویغور تورکونینگ ده تورکیأنینگ یورتداشی بولاندیغینی حابار بردی.

سویلو سونگقی 6 ییلدا 101 مونگ 995 آهیسکا تورکی نینگ ده تورکیه جمهوریتی نینگ یورتداشی ادیلندیگینی بیلدیردی.