• خبرینگ کدی :

    118042

  • /
  • تاریخ :

    11 February 2023

  • پ

300x169 - تورک دۆنیأسی و بوتین دنیا یر تیتره مه سی سبأپلی تورکیه دویغوداشلیق بیلدیریأرتورکمن نیوز:  یر تیتره مه سیندن سونگرا آذربایجان ینگ جمهورباشلیغی الهام علی یف رجب طیب أردوُغانا دویغوداشلیق بیلدیردی.

تورکیه ده دانگ بیلن ساعت 04.17-ده 7.7 ریشتر اولولیغیندا یر تیتره مه سی بوُلدی.

یر تیتره مه سی تورکیأنینگ 10 ولایاتینا یوقاری درجه ده ضِزز بردی.

یر تیتره مه سیندن سوُنگرا آذربایجان ینگ جمهورباشلیغی الهام علی یف رجب طیب أردوُغانا دویغوداشلیق بیلدیردی.

آذربایجان ینگ جمهورباشلیغی بو یر تیتره مه سی سبأپلی قینانچ بیلدیردی و أردوُغانا “بو قین واغتلاردا هر حیلی کؤمِگی یتیرمأگه طایاردیرس. سیزه، آرادان چیقانلارینگ ماشغالا و قارینداشلارینا، دوُغانلیق تورکیه حالقینا اؤز آدیمدان و آذربایجان ینگ حالقی نینگ آدیندان قینانچ بیلدیریأرین” دییپ حاط اوغراتدی.

آذربایجان ینگ قوُرانماق وزیری ذاکر حسنوف دا تورکیه دأکی یر تیتره مه سی سبأپلی تورک ایشدشی خلوصی آقارا دویغوداشلیق بیلدیردی.

آذربایجان ینگ داشاری ایشلر وزیرلیگی ده یر تیتره مه سی سبأپلی قینانچ بیلدیردیب و آذربایجان ینگ همیشه تورکیأنینگ یانیندا بوُلاندیغینی بیلدیردی.

دمیرقازیق قبرس تورک جمهوریتی نینگ جمهورباشلیغی ارسین تاتار دا قبرس ینگ تورک حالقی نینگ آدیندان تورکیأنینگ بو یاغدایینا یوره‌کدن قینانچ بیلدیردی.

تاتار تورکیه بیلن همیشه بیله لیکده بوُلاندیغینی سؤزلرینه قوُشدی و کؤمک اۆچین طایارلیق بیلدیردی.

قزاقستان ینگ جمهورباشلیغی قاسم جوُمارت توُقایف بو یر تیتره مه لرینده آرادان چیقانلار اۆچین أردوُغانا قینانچ حاطینی اوغراتدی.

توقایف دا قزاقستان ینگ تورکیأ کؤمِک برمأگه طایاردیغینی آیتدی.

ازبکستان ینگ جمهورباشلیغی شوکت میرضیایف، قرقیز جمهوریتی نینگ یوُلباشچیسی صدر جباروف، ایران ینگ جمهورباشلیغی ابراهیم رئیسی، بلاروس ینگ جمهورباشلیغی آلکساندر لوکاشنکو، کامبیانینگ یوُلباشچیسی آداما بارو، اتیوپی‌نینگ داشاری ایشلر وزیرلیگی، سومالی نینگ قوُرانماق وزیری عبدالقادر محمد نور، اروپا گنگه شی نینگ عمومی یازمانی ماری پیسینوویچ بوریچ، سوئدینگ داشاری ایشلر وزیری توبیاس بیلسترؤم، لتونیانینگ داشاری ایشلر وزیری ادگار رینکویچس، فرانسیانینگ داشاری ایشلر وزیری کاترین کولونا، ایتالیانینگ باش وزیری جئورجیا ملونی، ایتالیانینگ داشاری ایشلر وزیری، هلندینگ باش وزیری مارک روته و داشاری ایشلر وزیری، لیبی نینگ باش وزیری عبدالحمید دبیبه و داشاری ایشلر وزیری، عمان ینگ سلطانی هیثم بن طارق و اردن ینگ داشاری ایشلر وزیرلیگی ده دویغوداشلیق بیلدیریپ تورکیأ کؤمِک برمأگه طایارلیق بیلدیردی.

تورک دولت‌لری قوراماسی نینگ باشلیغی قوانچ بک عمرعلی یف ده یازماچا بیاناتیندا دویغوداشلیق بیلدیردی و تورکیه جمهوریتی حوکومتی و حالقی نینگ یانیندا بولاندیقلارینی آیتدی.

روسیانینگ دولت یوُلباشچیسی ولادیمیر پوتین دا یر تیتره مه سی سبأپلی أردوُغانا قینانچ بیلدیردی.

ولادیمیر پوتین دا تورکیأ یر تیتره مه سی سبأپلی کؤمِک برمأگه طایاردیغینی بیلدیردی.

اسرائیل ینگ جمهورباشلیغی اسحاق هرتزوگ دا تورکیه دأکی ییتگیلر سبأپلی دویغوداشلیق بیلدیردی و اسرائیل ینگ کؤمِک برمأگه طایاردیغینی آیتدی.

اسرائیل ینگ باش وزیری بنیامین نتانیاهو دا قینانچ حاطی اوغراتدی و لوقمانچیلیق و حالاص ادیش کؤمِکلرینی برمه ک اۆچین تاپشیرغی برندیگینی آیتدی.

فلسطین ینگ داشاری ایشلر وزیرلیگی ده تورکیه و سوریه بیلن دویغوداشلیق بیلدیردی.

مجارستان ینگ جمهورباشلیغی کاتالین نوواک دا واقادان سوُنگرا دویغوداشلیق بیلدیردی.

پایلاماز :
پایلاشینگ :

تلگرام

کانالیمیزا آغضا بولونگ

اینستاگرام

صاحیپامیزی ایزارلانگ

سیزینگ نظرینگیز

*

*
*

بالا
ترکمن نیوز