• خبرینگ کدی :

    117397

  • /
  • تاریخ :

    23 January 2023

  • پ

کریم 300x169 - تورک دونیأسی و مسلمان یورتلار قرآن کریم‌ینگ یاقیلماغینی برک یازغاردیتورکمن نیوز:  آذربایجان سوئدده قرآن کریم-ه ادیلن حورماتسیزلیغی برک یازغاردی.

آذربایجان ینگ داشاری ایشلر وزیرلیگی، قرآن کریم-ه ادیلن حوُرماتسیزلیغینگ ییگرندیرمه گۆنأسی بوُلاندیغینی و سؤز ارکینلیگی بیلن باغلانشیغی نینگ بوُلماندیغینی بیلدیردی.

آذربایجان ینگ داشاری ایشلر وزیرلیگی نینگ توییتر حاسابیندان شیله یازیلدی:

“تۆرکیأنینگ استکهلم داقی ایلچیحاناسی نینگ اؤنگۆنده قرآن کریم-ه ادیلن ییگرنجی سؤگۆنچلری برک یازغاریاریس. سوئد حؤکۆمتینی بو ییگرنجی جنایاتی ادنلری اینگ چالت واغتدا عادالاتا تاپشیرماغا چاغیریاریس”

دمیرقازیق قبرس تۆرک جمهوریتی نینگ جمهورباشلیغی ارسین تاتار دا یازماچا بیاناتیندا سوئددأکی واقانی تانقیت اتدی.

سنگال ینگ جمهورباشلیغی مکی سال “قرآن کریم-ی یاقان آشاساغچی راسموس پالودان ینگ ییگرنجی حرکتینی برک یازغاریارین” دیدی.

سال، ییگرنچ اسلاموفوبی و مسلمانلارا قارشی ادیلن هۆجۆملره قارشی گؤرش آلیپ باریلمالیدیر دییپ بیلدیردی.

سوریأنینگ دمیرقازیغیندا چوُپان بی و ماره ده مۆنگلرچه آدام اسلامی قیمماتلیق‌لارا ادیلن هۆجۆمی برک یازغاردی.

عیراق دا صدر حرکتی نینگ یوُلباشچی‌سی مقتدی صدر ده ادیلن هۆجۆمه قارشی بیر میلیون امضا ییغنالیپ سوئدینگ ایلچیحاناسی‌نا ایبریلمه گینی آیتدی.

گۆن باتار تراکیادا تۆرک قوراما و قورلوشیقلار سوئدده ادیلن حوُرماتسیزلیق‌لاری برک یازغاردی.

تۆرک- آمریکان میللی گؤنۆکدیرمه کمیته سی ده آمریکاداقی 155 تۆرک جمعیت‌چیلیگی تاراپیندان سوئددأکی قرآن یاقیلماغینی برک یازغاردی.

پایلاماز :
پایلاشینگ :

تلگرام

کانالیمیزا آغضا بولونگ

اینستاگرام

صاحیپامیزی ایزارلانگ

سیزینگ نظرینگیز

*

*
*

بالا
ترکمن نیوز