• خبرینگ کدی :

    90776

  • /
  • تاریخ :

    ۰۶ اسفند ۱۳۹۹

  • پ

وزیران خارجه 300x201 - تورکیه، تورکمنیستان و آذربایجان ینگ داشاری ایشلر وزیرلری آنکارادا دوشوشدیتورکمن نیوز:  تورکیه، تورکمنیستان و آذربایجان ینگ داشاری ایشلر وزیرلری نینگ اوچ تاراپلی ماصلاحاتی آنکارادا گچیریلدی.

تورکیه، تورکمنیستان و آذربایجان ینگ داشاری ایشلر وزیرلری نینگ ۵-نجی اوچ تاراپلی ماصلاحاتی آنکارادا گچیریلدی.

تورکیأنینگ داشاری ایشلر وزیری مولود چاووش اوغلی نینگ یر ایه چیلیگینده گچیریلن ماصلاحاتا تۆرکمنیستان ینگ داشاری ایشلر وزیری رشید مردوف و آذربایجان ینگ داشاری ایشلر وزیری جیحون بایراموف قاتناشدی.

دوشوشیقلاردا اوزآرا و بولگه آرا مسئله لر حاقیندا گنگه شیلدی.

تورکیأنینگ داشاری ایشلر وزیری مولود چاووش اوغلی ایلکی بیلن تورکمنیستان ینگ وزیرلر کابینه سی نینگ باشلیغی نینگ اورونباساری و داشاری ایشلر وزیری رشید مردوف بیلن دوشوشدی و اونی ایکینجی واطانیندا میهمان ادندیگینه حوشاللیق بیلدیردی.

دوشوشیقدان سونگرا ایکی وزیر مطبوغات گنگه شینی گچیردی.

چاووش اوُغلی ایکی یوردونگ داشاری ایشلر وزیرلیکلری نینگ ۲۰۲۱- ۲۰۲۲-نجی ییلداقی حیذماتداشلیق گؤزیتیمینی طایارلاندیقلارینی آیتدی.

تورکیأنینگ جمهورباشلیغی رجب طیب أردوغان ینگ شو ییل تورکمنیستانا قوراجاق ساپاری نینگ دا طایارلیقلاری گورولیأندیگی بیلدیریلدی.

تورکیأنینگ داشاری ایشلر وزیری سونگ بولسا آذربایجانلی ایشدشی جیحون بایراموف بیلن دوشوشدی.

دوشوشیقدا اوزآرا قاتناشیقلارینگ اوسدوریلمه گی بارادا گنگه شیلدی و یوقاری قاراباغ مسئله سیندأکی سونگقی یاغدای حاقیندا ماغلومات آلیندی.

چاووش اوغلی بو دوشوشیقدا آذربایجان ینگ آزات ادیلن یرلری نینگ تأزه دن دیکه دیلیشینه تورکیأنینگ قولداو برجکدیگینی آیتدی.

سونگ بولسا تۆرکیه- آذربایجان- تورکمنیستان ینگ داشاری ایشلر وزیرلری نینگ اۆچ تاراپلی ماصلاحاتی نینگ ۵-نجی سانیسی گچیریلدی.

پایلاماز :
پایلاشینگ :
بیلیگ لر :

تلگرام

کانالیمیزا آغضا بولونگ

اینستاگرام

صاحیپامیزی ایزارلانگ

سیزینگ نظرینگیز

*

*
*

بالا
ترکمن نیوز