114824
22 October 2022
شو گونلر اؤزینی توحیدی جهان باقیملیلار دیییپ اورتا چیقیان توپارلارینگ و تورکمنصحرادأکی سنتی حوزوی توپارلارنینگ آراسیندا اینترنتده اجتماعی شبکهلرینده بیر آغیزآلالیق آرا آتیلیار.
بیرینجی توپار تورکمنلر آراسیندا موولید آیتدیرماقلیق بارادا همده قربانلیقدا چالینیان قویونلار اوچین دوز بیلن کوموردن اوللانیلیان دأپده یا تورکمن یاشاولیلارنینگ کوینگنینگ اوزینلیغی دیزا یاقینلیغیندا و اونی هامانا عربلار کوینگی یالی توپیغا یاقین بولماغیندا و ینه شولارا منگزش گوزباقیملاریندا یوریتا ناظارلاری بار.
بو تایدا تورکمنلر آراسیندأکی قدیمدان گلیان فرهنگی یوریتهلیکلر همده تأزهرأک (ینیرأک) مقبول بولان مذهبی – فرهنگی آلادالار هامانا مولید اوقیلماق یالی حرکتلر اؤزینی توحیدی تانایان توپار اوستی بیلن رد بولیار.
منینگ ناظاریما بوتایدا شو نکتهلاری گؤز آستینا آلماق گرک.
۱- تورکمنلرینگ بیرتوپار فرهنگی یوریتهلیگلری تاریخدا مقبول بولوپ بو ملتینگ آراسیندا یایرانی اوچین اونگا بیر شخصیت (هوّیت) بریار بو یوریتهلیکلر مذهب اوغوردا ترس بولماسا قالسا قوویراق هامانا ارککلر کوینگنینگ دیزا یاقین بولماغینی بیر توپار احادیثدان گؤرلده آلیپ همده اؤزلری آتا مینندا بو اندازه اولارا مناسیپ بولیانینی ناظارا توتوپ تورکمنلر فرهنگینه اورناشیپ دیر.
۲- اصولدا هر دوره تاریخی گچندن سونگ هامانا اسلامدان اؤنگ ایران فرهنگینداکی هنرلیک (صونغاتلیق).
عنصرلری مثال اوچین گون، سیمرغ، آرسلان و… دوره اسلامیداکی معماریلارا گیریأر و اوندا اوللانیلیار اما بو یاغدایدا بو عنصرلارینگ سارغیدی هامانا گون ناغشی مهرپرستی اعتقاد بیلن تانیلمایار، یعنی اول پدیدأنینگ سمبلی تازهکی مدنیتده گؤز آستینا آلینمایار دینگه آوادانلیق و قیزغینلیق، یاختیلیق و… سارغیدی بیلن قبول ادیلیار شونونگ اوچین سلجوقی و عثمانلی معماریلاریندا اولاری گؤروپ بیلیاریس. سیمرغ و آرسلان و باشغا عنصرلاردا شو حیللی بولیار.
3- قربانلیقدأکی چالینیان قویونی خدایینگ اورسغادی بیلن اونی قیامتدا قارانگقیلیقدان یاختیلیغا چیقاراجاق اومیدی بیلن دوز هم کوموری قربانلیقدا چالینیان مالینگ قانی بیلن قاریشسین و اونگا قیامتدا گواه و شاهد بولسین دیییپ اوللانیلماغی بو دأبینگ بیر فرهنگی عنصر بولوپ ایل آرادا اورناشماغی ممکین.
اونونگ اوچین اولار دینی عقیدانی یول باشچی لیق ادمیارلار و دینگه بیر فرهنگی عنصر بولوپ ترکمن فرهنگیندا دوام ادیارلار.
4-مولید اوقیماقلیق معاصر تاریخیمیزدا دوران بولساداتقریبا عام مقبول بولما یاغدایی غازانان دیراما اونی بیر آدامینگ عقیده سی نینگ دوغیرلیغی یا دوغیر سیزلیغینا معیار- ملاک توتمانی یوریتا بیر اوگی قصیدهسی حسیپلأپ پیغمبر جانا هدیه – پشکش بولسون دیییپ ثواب اوچین اؤز اخلاصینی بیلدیرمک بیلن دینیمیزه هم مذهبیمیزه اشکال دوشوپ بیلمز.
شونونگ اوچین آیدیلان چأکلری گؤز آستینا آلینسا تورکمن فرهنگینه ایزا یتمهسه گِرک.
اما توحیدی حرکتلرینگ بیر توپار نقد ادیان نکتهلاری دوغریدیر هامانا بیر چاغانینگ آغزینا اؤزینی بیلیم سورییان آدامینگ تویکورمگی یالنگیش دورو شونگا منگزشلر.
دیمک اصولی یاغدایدأکی فرهنگلیک عنصرینا اؤوریلشن دأپ دستورلاریمیز ساقلانسا قاویراق و دوغریراق.
بو دنیادأکی واقالاردا اصولی تایدان سببلر- مسببلر قانونلارنینگ اوللانماغینی تاکید ادیان جهان باقیمی دوغری دیر هامانا مریض چلیگ لردا دوکترلر اوستی بیلن میکروب لر و دورلی کسل لر تانیلیپ معالجه بولماق لیق، سببینی اؤدأپ خدایا توکل ادمکلیک دوغریدیر.
یادیمیزدان چیقماسین اسلام مدنیتینینگ دسلاپقی اؤسوش قرنلاریندا اولی عالملار هامانا طبده:
ابوبکر زکریای رازی، ابوعلی سینا
شیمیده جابرابن حیّان
ریاضیدا موسیبن شاکرینگ اوچ اوغلی یعنی محمد، احمد و حسن
آب و هوا یاغدایینی تانیماقلیقدا همده گون ساغات یاساماقدا یعقوببن اسحاق الکندی (وفات 256 هجری/870 میلادی)
ییلدیزلار تانیمادا ثابتبن قرا (288 هجری /901میلادی)
فیزیک و مکانیکدا ابن هیثم و باشغا یوزلرچه بیلگهلر (دانشمندلر )… دؤراننینگ سببی(سببلر-مسببلر) قانوننا قوییان اهمیتی اوچیندیر.
مهندس عبدالقاسم قدیمی
سیزینگ نظرینگیز
سونگقی خبرلار
۱۹ بهمن ۱۴۰۳
۱۷ بهمن ۱۴۰۳
۱۳ بهمن ۱۴۰۳
۱۱ بهمن ۱۴۰۳
۰۶ بهمن ۱۴۰۳