تورکمنستانینگ جمهورباشلیغی تهرانا گلدی

تورکمنستان‌ینگ یوُلباشچیسی سردار بردی محمدوف ایران اسلام جمهوریتی‌نینگ جمهورباشلیغی سید ابراهیم رئیسی تاراپیندان رسمی دابارا بیلن قارشیلاندی.

دوین ایرانا ساپار قوران بردی محمدوف شو گون سعدآباد کؤشگونده ایرانلی ایشدشی تاراپیندان قارشیلاندی.

دابارادا ایکی یوردونگ دؤولت موقاملاری یانگلاندی.

سوُنگرا بوُلسا تورکمنستان بیلن ایران‌ینگ جمهورباشلیقلاری ایکی یوردونگ رسمی وکیللری بیلن تانیشدی.

بردی محمدوف بیلن رئیسی اؤزآرا دوشوشیقدان سوُنگ توُپارآرا دوشوشیغا یوُلباشچیلیق اتدی.

توُپارآرا دوشوشیقدان سوُنگرا تورکمنستان بیلن ایران‌ینگ آراسیندا 9 رسمی‌ناما قوُل چکیشیلدی.

رسمی‌نامالارینگ آراسیندا گولستان ولایاتی بیلن بالقان ولایاتی، دمیرقازیق حوراسان ولایاتی بیلن آحال ولایاتی، رضوی حوُراسان ولایاتی بیلن ماری ولایاتی آراسیندا سؤودا- اقتصادی، علمی- تکنیک و مدنی حیذماتداشلیق؛ ایکی یوردونگ رادیو و تلویزیون قورامالاری‌نینگ آراسینداقی حیذماتداشلیق، ایکی حؤکومتینگ آراسینداقی علمی، مدنی، چپر و بیلیم آلیش چالیش ایلالاشیغی و مایاقوُیوم ایش توُپارینی دؤره‌تمک یالی ایلالاشیق شرطنامالاری بار.

ایکی یوردونگ یوُلباشچیلاری ایران بیلن تورکمنستان‌ینگ آراسینداقی دوُست- دوُغانلیق، قوُنگشوچیلیق و یاغشی نیتلی حیذماتداشلیغا اونس چکدیلر.