تورکستان شهری تورک دونیأسی‌نینگ معنوی پایتختی

قازاقستان دا اۆچ ییل اوُزال تۆرکستان ایالتی نینگ مرکزی ایغلان ادیلن تۆرکلرینگ قادیم شهری تۆرکستان تۆرک دۆنیأسی نینگ معنی و مدنی مرکزی بوُلماغا تایارلانیار.

2 مۆنگ ییللیق تاریحا ایه بوُلان تۆرکستان شهری قازاق حانلیغینا پایتخت بوُلوپدی.

تۆرک دۆنیأسی نینگ معنوی یوُلباشچیسی حوُجا احمد یسوی‌نینگ یاشان شهری، اوُرتاآسیادا اسلامینگ یایبانگلاشان یرلریندن بیری بوُلوپدی.

تۆرکستان ایالتی 2 میلیون یاشاییجیسی بیلن اوروپانی آسیا باغلایان تاریحی یۆپک یوُلوندا یر آلیار.

عصرلاردان بأری تاریحی یۆپک یوُلونینگ معنوی، سیاسی و تیجاری مرکزلریندن بیری بوُلان تۆرکستان 1991-نجی ییلدا قازافستانینگ قاراشسیزلیغی بیلن تأزه دن اؤسۆشه باشلادی.

تۆرکستان ایالتی 2018-نجی ییلدا قازاقستانینگ اساس‌لاندیریجی جمهورباشلیغی نورسلطان نظربایف‌نینگ پرمانی بیلن دؤره‌دیلیپدی.

2021-نجی ییلینگ 31-نجی مارتیندا تۆرک گنگه شی نینگ دؤولت یوُلباشچیلاری نینگ رسمی بوُلمادیق ماصلاحاتیندا تۆرکستان “تۆرک دۆنیأسی‌نینگ معنوی پایتختی” ایغلان ادیلر.