بندرتورکمن‌ده ایکی تورکمن وکیل بوُلماق اوچین یاریشیار

ایرانینگ گلستان ولایاتی‌نینگ گون باتار شهرلری‌نینگ یاشاییجیلاری شهریور آیی‌نینگ 21-ینده اوز وکیلینی سایلاماق اوچین سس برِر.

بندرتورکمن، کوموش‌دپه، کوردکوی و بندرگز شهرلری‌نینگ یاشاییجیلاری عبدالجلال ایری بیلن رجب محمد آبادی‌نینگ آراسیندان بیر وکیلی مجلیسه ایبرر.

سایلاوینگ بیرینجی اِتابیندا عبدالجلال ایری 21 مونگ 183 سِس آلیپدی.

رجب محمد آبادی بوُلسا 14 مونگ 983 سس آلیپدی.

گلستانینگ گون باتار شهرلری‌نینگ یاشاییجیلاری شهریور آیی‌نینگ 21-ینده صاندیقلارا باریپ ایری بیلن آبادی‌نینگ آراسیندان بیر وکیل سایلار.

موندان اوُزال، سایلاوینگ بیرینجی اِتابیندا کومد قاووز و داشلی بورون شهرلریندن تورکمن یازیجی و آکتیویست امان قلیچ شادمهر وکیل حوکمونده سایلانیپدی.