124627
08 December 2023
باد بؤرۆک دۆشۆنیپ منینگ یؤرگیمی
اۉچیریار بیر گؤزل آل آسمان‌لاردا
عشق یلینه دوْلوپ داش تؤوه‌ره‌گمی
بوْشاتماغی ایندی آل گُمان‌لاردا
یل ایغیندا باد بؤرۆگی اۉچیرسانگ
ساقلا‌جاق بوْل آیاپ گؤزدن ییتیرمأن
یله توتوپ یردن گؤگه گؤچۆرسنگ
مشغول ساقلا‌مالی؛ اوْیونی بیتیرمأن
دؤوران دۉشدې بیلسنگ سنینگ ألینگه
اۉچور باد بؤرۆگی هیجان بیلن
اربت سؤز گتیرمه سۆیجی دیلینگه
یۆپۆن اۆزمز هریان سالپیلدان بیلن
گؤیبرسنگ یۆپلۆگی گیدر پارلاییپ
تارتسانگ دۉرار آل آسماندا لیکگیلدأپ
غیرا چکسنگ صدا تاپار شارلاییپ
کأده کأده اوْینار گؤکده سیلکیلدأپ
یؤره‌ک باد بؤرۆگی دۆشدی ألینگه
سره‌ساپ بوْل رقیب الی یتمه‌سین
محکم بوْل رازینگا همده دیلینگه
ایسلأن کؤپدیر، آلداپ یۆپۆنگ کسمه‌سین
اگر آزاد بوْلسا بیرجه باد بؤرۆک
یره دۆشۆرمزلر توتوپ آلار‌لار
یۆپلۆگینی چوْلاپ اؤزۆنی دۆیریپ
میجیرریق بوْلانگ سه‌تیله سالارلار
یاردام یؤره‌گینگی باد بوروک غورشاپ
گیردینگ دایانیشماغا؛ عاقبت بخیر
اۉچورغیچ اۉچورار غانیما سوساپ
چکر سوْل و ساغا؛ عاقبت بخیر
شاهیر: محمود یاردیم صادقی
سیزینگ نظرینگیز
سونگقی خبرلار
۲۵ اسفند ۱۴۰۳
۱۵ اسفند ۱۴۰۳
۰۴ اسفند ۱۴۰۳
۰۳ اسفند ۱۴۰۳
۰۲ اسفند ۱۴۰۳
