• خبرینگ کدی :

    128620

  • /
  • تاریخ :

    19 May 2024

  • پ

1 300x200 - ایران جمهور باشلیغی‌نینگ باریون دیک‌اوچاری «غاتی غونوش» گچیردیتورکمن نیوز-  ایران‌ینگ رسمی خبر بریش سریشته‌لریندن دسلاپقی خبرلاردا جمهور باشلیق ابراهیم رئیسی‌نی آلیپ باریون دیک‌اوچارینگ گۆندوغار آذربایجان ولأیتینده «غیسداغلی غونوش» اده‌نلیگی گؤرکه‌زیلیور.

ایران‌ینگ «صدا و سیما» خبر قوللوقی، 30-ینجی ثور- یکشنبه گۆنی، «تصدیقلانمادیق خبر» بولان، غیسداغلی غونان دیک‌اوچار بارادا خبر بردی.

ایسنا خبر قوللوقی، رسمی دأل چشمه‌لره سالغیلانیپ بو حادثه‌دا هلأکچیلیک هم بولانلیغینی آیتدی، یؤنه رسمی‌لر انتک بو خبری تصدیقلاماندیر.

ایرنا خبر قوللوقی، چوقورلارینگ آغیر شرط‌لرینینگ و گویچلی توزانینگ تیز کؤمک توپارلارنینگ غیسداغلی حادثه یۆز بره‌ن یرینه یتیشمک اۆچین سینانشماغینی غینلاشدیرانلیغینی یازدی.

ایران‌ینگ «صدا و سیما» قوللوقی، هم هوانینگ آمدسیز شرطلری، رئیسی‌نینگ «غیسداغلی غونوش» گچیرن دیک‌اوچارینی تاپماغی قینلاشدیریونلیغینی خبر بردی.

«صدا و سیما» قوللوقی‌نینگ خبرینا گؤرأ، واقعه‌نینگ بولان یرینه لوقمانچیلیق و حربی کمک توپارلاری ایبریلیپدیر، یؤنه رئیسی‌نینگ اقبالی انتک بللی دأل.

بویله‌کی طرف‌دان سپاه‌پاسداران گویچلرینه یقین تسنیم خبر قوللوقی، ایران‌ینگ جمهور باشلیغی‌ بیلن یولدا همراه بولان بؤیله‌کی ایکی دیک‌اوچارینگ ساغ-امان گلنلیگینی خبر بردی، یؤنه ابراهیم رئیسی‌نی آلیپ باریون دیک‌اوچارینگ هلأکچیلیگه اوچرانلیغی چاق ادیلیور.

بو دیک‌اوچارینگ هلأکچیلینینگ سبأبی آنیق بللی دألدیر، یؤنه کأبیرلر مونی هوانینگ قاریشیق و اوچوشا مناسیپ دأل‌لیگیندن بیلیورلار و کأبیرلری-ده بو حادثه‌نینگ آشاقیندان باشغا سبأپلری گؤزله‌یورلار.

ایران جمهور باشلیغی رئیسی‌ و همرالارنینگ یاغداییندان حأضره چنلی آنیق بیر معلومات اله گلمه‌دی.

ایرانینگ جمهور باشلیغی ابراهیم رئیسی، همراه‌لاری بیلن شو گون آذربایجانه سفر ادیپ، حادثه‌دان بیر نأچه ساعت اؤنگ، آذربایجانینگ جمور باشلیغی الهام علی‌یف، بیلن دوشوشیق گچیریپ‌تی و دولانیش یولوندا شو حادثه یۆز بردی.

رئیسی، اول یره «قیزقلعه‌سی» سرحد بندینی آچماق اوچین گیدیپ‌تی.

پایلاماز :
پایلاشینگ :

تلگرام

کانالیمیزا آغضا بولونگ

اینستاگرام

صاحیپامیزی ایزارلانگ

سیزینگ نظرینگیز

*

*
*

بالا
ترکمن نیوز