101551
23 September 2021
تورکمن نیوز: ایران تورکمنستان بیلن نأچه ییلدان بأری دووام ادیأن طبیغی گاز چوزگوتسیزلیگی باراسیندا ایلالاشاندیقلارینی بیلدیردی.
ایران ینگ رسمی حابار سریشده‌سی ایران بیلن تورکمنستان ینگ طبیغی گاز مسئله‌سینی چوزگوده قووشوراندیقلارینی حابار بردی.
ایران ینگ جمهورباشلیغی ابراهیم رئیسی، تأجیگیستان ینگ پایتاغتیندا گچیریلن شانگهای حیذماتداشلیق قوراماسی نینگ ماصلاحاتیندا، تورکمنستان ینگ جمهورباشلیغی قوربان قولی بردی محمدوف بیلن دوشوشیق گچیریپدی.
دوشوشیقدا ایکی یوردونگ نأچه ییلدان بأری دووام ادیأن طبیغی گاز مسئله‌سی باراسیندا ایلالاشاندیقلاری بیلدیریلدی.
تورکمنستان، ایران ینگ ساتین آلان طبیغی گازی‌نینگ برگیسینی برمأندیگینی اونگه سوریأردی.
شول سبأپلی تورکمنستان ایرانا طبیغی گاز ساتووینی دوروزیپدی.
ایکی یوردونگ یولباشچیلاری همیشه دوستلوقلی قاتناشیقلارینا اۆنس چکیپ قاتناشیقلارینگ اوسمِه‌گینی آرزوو ادیأر.
بندر تورکمن ینگ مجلیس وکیلی عبدالجلال ایری، ایران بیلن تورکمنستان ینگ طبیغی گاز مسئله‌سینی چوزگوده قووشورماغی نینگ ایکی یوردونگ قاتناشیقلاریندا تأزه صاحیپا آچجاقدیغینی آیدیار.
ایرنا حابار سریشده‌سینه بیانات برن ایری، کوموش دپأنینگ قالاجیق مرکزینده طبیغی گاز قورلوشیغی نینگ اۆوستی بیلن تورکمنستان دان کوپرأک طبیغی گاز ساتین آلیپ بیلجکدیکلرینی بیلدیردی.
تورکمنستان ینگ طبیغی گازی تورکمنستان ینگ کورپه‌جه دییلن یریندن گۆلیستان ولایاتینداقی قالاجیق مرکزینه گلیپ شول یردن کۆردکوی شهرینده ایران ینگ طبیغی گاز تورباسینا باغلانیار.
دگیشلی یازغی‌لار
سیزینگ نظرینگیز
سونگقی خبرلار
۰۶ مهر ۱۴۰۳
۰۲ مهر ۱۴۰۳
۲۴ شهریور ۱۴۰۳
۲۲ شهریور ۱۴۰۳
۱۷ شهریور ۱۴۰۳
