ایران بوتین دونیأ فوتبال یاریشی بیلن حوشلاشدی

ب گروهینداقی یاریشدا ایران بیلن آمریکانینگ چال بولماغی دا ایران ینگ میللی فوتبال توپاری نینگ آدینی سونگقی 16 توپارا یازدیریپ بیلیأردی.

اِمما آمریکالی فوتبالچی کریستین پولیشیچ 38-نجی داقیقادا اویونینگ یکه‌جه گلینی اوردی.

45+2-نجی داقیقادا تیموتی وه‌آ، وستون مک کنی نینگ پاسی بیلن توپی ایران ینگ دروزه سینه اوتورسه ده بو گل، آفساید دییلیپ قابول ادیلمه دی.

42 مونگ 127 توماشاچی بو تاریحی یاریشی یاقیندان ایزارلادی.

90+9-نجی داقیقادا ایران ینگ هوجومچیسی مهدی طارمی ایران اوچین بیر پنالتی نینگ بریلمه‌گینی ایسله دی اِمما یاریشینگ تویدوکچیسی متئو لاهوز پنالتی بولماندیغینی آیتدی.

شیله لیک بیلن آمریکا 3 اویوندان 5 بال بیلن ایکینجی بولدی و انگلستان دان سونگرا ایکینجی توُپار حوکمونده آدینی سونگقی 16 توپارینگ آراسینا یازدیردی.

آمریکا سونگراقی اِتاپدا هلند بیلن یاریشار.

بیله کی یاریشدا انگلستان دا 3-0 حاسابی بیلن ولز توپارینی ینگدی و 7 بال بیلن بیرینجی بولدی.

انگلستان سونگراقی اِتاپدا سنگال بیلن یاریشار.