79705
۰۳ مرداد ۱۳۹۹
تورکمن نیوز: ایاصوفیا متجیدی‌نینگ ایلکینجی جومغا نامازینا اوُن مۆنگلرچه مسلمان قاتناشدی.
ایاصوفیا متجیدی شو گون ۸۶ ییل آرادان سوُنگرا ایلکینجی جومغا نامازینا یر ایه چیلیگینی اتدی.
ترکیه‌نینگ جمهورباشلیغی رجب طیب أردوُغان دا متجیده گلدی و جومغا نامازیندان اوُزال حمد و بقره سوره‌سی‌نینگ ایلکینجی ۵ آیتینی اوُقادی.
ساغات ۱۲-ده متجیده گلن ترکیه‌نینگ جمهورباشلیغی ایلدشلر تاراپیندان ماهیرلی یاغدایدا قارشی آلیندی.
ناماز اوُقاماق اوچین میدانلاری دوُلدوران مسلمانلار أردوُغان اوچین شیغارلار بردی.
ترکیه‌نینگ جمهورباشلیغینی، آراقاتناشیق اداراسی‌نینگ باشلیغی فخرالدین آلتون یوُلداشلیق اتدی.
ترکیه‌نینگ دیانت قوراماسی‌نینگ باشلیغی علی أرباش أردوُغان-ی قارشیلادی و أردوُغان جومغا نامازی اوچین ایاصوفیای کبیر مسجد شریف‌ینه گیردی.
ترکیه‌نینگ جمهورباشلیغی‌نینگ اوُرونباساری فواد اوکتای، ترکیه‌نینگ بیک ملت مجلیسی‌نینگ باشلیغی مصطفی شن توُپ، آراقاتناشیق اداراسی‌نینگ باشلیغی فخرالدین آلتون، ساغلیغی قوُراییش وزیری فخرالدی قوُجا و میللتچی حرکت پارتیاسی‌نینگ باشلیغی دولت باغچالی‌ده جومغا نامازی اوچین ایاصوفیا متجیدینه گلدی.
ایاصوفیانینگ دورت میناراسیندان ۴ آذانچی آذان آیتدی.
جماغات، دیانت ایشلری قوراماسی‌نینگ باشلیغی علی أرباش بیلن دوُغا اوُقیدی.
سوُنگ بوُلسا جومغا نامازی اوُقالدی.
کوپ سانلی داشاری یورتلی ژورنالیست دا بو دابارا اوچین ایاصوفیا متجیدینه گلدی.
مسلمان یورتلار و عاراپ دونیأسیندن گلن ژورنالیستلار گونی افیردن ایاصوفیانی گورکِزیأر.
متجیدینگ ناماز اوچین طایارلانماغی توییتردان دا #AyasofyaCamii اتیکتی بیلن حابار بریلدی. بو اتیکت دونیأده توییترینگ بیرینجی هشتگی بوُلدی.
بو جومغا نامازی ترکیه‌نینگ جمهورباشلیغی رجب طیب أردوُغان ینگ سوسیال مدیا حاساپلاریندان گونی یاغدایدا گورکِزیلدی.
سیزینگ نظرینگیز
سونگقی خبرلار
۰۷ مرداد ۱۴۰۰
۰۷ مرداد ۱۴۰۰
۰۶ مرداد ۱۴۰۰
۰۶ مرداد ۱۴۰۰
۲۳ تیر ۱۴۰۰
