ازبکستان قاراشسیزلیق گونونی قوتلایار

1991-نجی ییلینگ 31-نجی آگوستیندا ازبکستان شوروی‌دن آیریلاندیغینی ایغلان اتدی.

شول گون اؤبکستان ینگ یوقاری شوراسی ازبکستان جمهوریتی نینگ قاراشسیزلیغینی ایغلان ادن قانونی قابول اتدی.

ارتیسی گون (1-نجی سپتامبردا) میللی بایرام ایغلان ادیلدی و حوکومت تاراپیندان دینچ آلیش گونی (تعطیل گونی) دییپ بیلدیریلدی.

ازبکستان ینگ قاراشسیزلیغی نینگ 31-نجی ییلی میناسیبتلی یوردونگ یولباشچیسی شوکت میرضیایف بیانات بردی.

میرضیایف سوزلرینده سونگقی 6 ییلدا یوردونینگ اوسوشی نینگ تأزه اتابا گیرندیگینی و رفرم باشلاداندیقلارینی بیلدیردی.

ازبک یولباشچی سونگقی دووورده “حالق دوولت قورامالارینا دأل، دوولت قورامالاری حالقا حیذمات اتمه‌لی” دییپ شول ماقصادی ایزارلاندیقلارینی بیلدیردی.

شوکت میرضیایف وزیر، وکیل و جمهورباشلیغینگ دا حالقدان گویچ آلیاندیغینی یاتلاتدی و “شو گونکی ازبکستان دوینکی ازبکستان دأل، شو گونکی میللتیمیز دوینکی میللت دألدیر” دیدی.