114803
22 October 2022
تورکمن نیور: تورکمنستان- ازبکستان: ایکی دوُست دوُغانلیق اولکه قاتناشیقلارینی اؤسدوریأر.
کؤپ عاصیرلیق دوُغانلیق و قوُنگشیچیلیغا اساسلانیان تورکمنستان بیلن ازبکستانینگ قاتناشیلاری اؤسمأگه دوُوام ادیأر.
ازبکستانینگ جمهورباشلیغی شوکت میرضیایف رسمی ساپار بیلن تورکمنستانا گلدی.
تورکمنستانینگ جمهورباشلیغی سردار بردی محمدووینگ چاقلیغی بیلن آشغابادا گلن میرضیایف آشغابات قوُنالغاسیندا تورکمنستانینگ کابینهسینینگ یوُلباشچیسینینگ اوُرونباساری باتیر آتدایف و بیله کی رسمی ماقاملار تاراپیندان قارشیلاندی.
شوکت میرضیایف اوُغوزحان کؤشپونده تورکمنستانینگ جمهورباشلیغی سردار بردی محمدوف تاراپیندان رسمی دابارا بیلن قارشیلاندی.
دوین گیجه تورکمنستانا گلن میهمان یوُلباشچی شو گون بوُلسا تورکمن ایشدشی سردار بردی محمدوف بیلن دوشوشیق گچیردی.
دوشوشیقدا ایکی یوردونگ یاشاییجیلارینینگ کؤپ عاصیرلیق دوُستلیق و یاغشی قوُنگشوچیلیغا اساسلانیان قاتناشیقلارا اونس چکیلدی.
ایکی یوردونگ سیاسی، سؤودا- ایقدیصادی، ترانسپورت- قاتناو، سوو و اکرانچیلیق پوداقلارینداقی حیذماتداشلیغی حاقیندا گِنگهشیلدی.
توُپارآرا دوشوشیقدان سوُنگرا ایکی یوردونگ یوُلباشچیسی استراتژیک شأریکلیک شرطناماسینا قوُل چکدی.
سیزینگ نظرینگیز
سونگقی خبرلار
۲۴ بهمن ۱۴۰۳
۲۳ بهمن ۱۴۰۳
۱۹ بهمن ۱۴۰۳
۱۷ بهمن ۱۴۰۳
۱۳ بهمن ۱۴۰۳