ابراهیم ارن تورکمنیستان دا گچیریلن حالقارا مدیا فورومینا قاتناشدی

ت. ر. ت نینگ دولانشیق گنگه شی نینگ باشلیغی و ابراهیم ارن تورکمنیستان ینگ همیشه لیک بی‌تاراپلیغی نینگ 25-نجی ییللیغی میناسیبتلی گچیریلن حالقارا مدیا فورومینا قاتناشدی.

ویدئوکنفرانس آرقالی گچیریلن فوروما 68 یورتدان 300-دن قووراق حالقارا و بولگه آرا مدیا قوراماسی نینگ وکیللری و هونأرمنلری قاتناشدی.

آسیا- یوواش عوممان تله رادیو گپله شیکلر بیله له شیگی نینگ (ABU) باشلیغی نینگ اورونباساری حوکمونده قاتناشان ابراهیم ارن، قاراشسیزلیغینی آلانیندان سونگ تورکمنیستانی ایلکینجی ایقرار ادن یورت بولان تورکیأنینگ شول بیر واغتینگ اوزونده آشغاباتدا ایلچیحانا آچان و تورکمنیستان ینگ همیشه لیک بی تاراپلیق یاغدایینی ایقرار ادن ایلکینجی یورتدیغینی بیان اتدی.

تورکمنیستان ینگ حالقارا میدانلاردا تانالیان سیاسی بیر قورلوش یاغدایینا گلندیگینی و تاریحی میدانداقی توتومینی گویچلندیریأندیگینی آیدان ارن،

“پیکیرلرینگیز و دیپلماتیک یاغدایینگیز نأحیللی گۆیچلی و آبرایلی بولسا بولسون، ضرور بولان ایلکینجی زات یوزلِنمأنگیزینگ یایراماغی و اشیدیلمه گینی اوپجون اتجک گویچلی مدیادیر” دیدی.

حالقارا میدانلاردا مدیانینگ أهمیتی نینگ اوستونده دوروپ گچن ابراهیم ارن، شو گۆنکی گۆن بیر یره اویشوپ بیلمه‌گیمیزینگ و تورکمنیستان ینگ بی تاراپلیق سیاساتی نینگ 25 ییللیق اوستونلیگینی دونیأنینگ دورت کونجه‌گیندن قاتناشیان حالقارا مدیا وکیللری بیلن ماصلاحاتلاشماغا مومکینچیلیک تاپماغینگ، مدیانینگ رُلینی اوستونلیکلی یاغدیدا آلیپ بارماغینا باغلیدیغینی نیغتادی.