آمریکا اوز یوُلباشچیسینی سایلایار

آمریکانینگ جمهورباشلیغی و جمهوریتچیلرینگ دالاشگاری دونالد ترامپ بیلن دموکراتلارینگ دالاشگاری جو بایدن آراسیندا یاریش دوُوام ادیار.

50 ایالت و آمریکا باغلی پورتوریکودا 250 سایلاوچی یوردونا 4 ییللیغینا یوُلباشچی سایلایار.

آمریکانینگ 59-نجی جمهورباشلیغی کیم بوُلار؟

دوین کنگره مجلیسی نینگ 435 آغضاسی و سنا مجلیسی نینگ 35 آغضاسی اۆچین ده سایلاو گچیریلدی.

آستوشیتدپرس ترامپ ینگ کنتاکی، وست ویرجینیا، می سی سی پی، آلاباما، گون اوُرتا کارولینا، اوکلاهما، تنسی، ایندیانا، گۆن اوُرتا داکوتا، دمیرقازیق داکوتا، وایومینگ، نبراسکا، لوئیزیانا، آرکانزاس، کانزاس، مسیوری، یوتا، اوهایو، مونتانا، فلوریدا، آیووا، آیداهو و تکزاس دا ینگیش قازاناندیغینی بیلدیردی.

ورمونت، ویرجینیا، ماساچوست، دل آور، ایلینویز، نیوجرسی، مریلند، نیویورک، کانکتیکت، کلرادو، واشینگتن دی سی، واشینگتون، نیوهمپشایر، رود آیلاند، آریزونا و مین ده جو بایدن ینگ اونگده بوُلاندیغی حابار بریلدی.

سنادا بولسا شو واغتا چنلی دموکراتلار وکیللری نینگ سانینی 45 سانینا یتدیردی. جمهوریتچیلر بوُلسا 44.

کنگره ده سایلاوینگ شو واغتینا چنلی جمهوریتچیلر 145 وکیل ایبردی. دموکراتلار بوُلسا 119 وکیل ایبردی.

رسمی بوُلمادیق نتیجه لره گؤرأ شو واغتا چنلی ترامپ 212، بایدن 237 الکترال سس آلدی.

100 میلیون 300 مۆنگه قوُلای سایلاوچی کروناویروس سباپلی اونگدن سس بریپدی.

سایلاودان سوُنگراقی دارتغینلیغا قارشی پایتاغت واشنگتن دی سی بیلن آق تام دا حووپسوزلیق چأره لری بِرکیدیلدی.

کوپ سانلی جایینگ اونگی ده دمیرلر بیلن یاپیلدی.