آرژانتین دونیأنینگ بیرینجی و اینگ گویچلی توُپاری!

قطرده گچیریلیأن بوتین دونیأ فوتبال یاریشیندا آرژانتین و لیونل مسی اوزاق ییللاردان بأری کویسأپ گِزن حیالینا قاویشدی.

فینال یاریشیندا آرژانتین ایلکی بیلن فرانسیادان 2-0 اونگه گچسه ده فرانسیا امباپه نینگ گللاری بیلن نتیجأنی 2-2 اتدی.

90 داقیقا 2-2 حاسابی بیلن قوتاران یاریشینگ قوشماچا واغتلاریندا آرژانتین ینه لیونل مسی نینگ گلی بیلن اونگه گچدی.

اِمما ینه امباپه فرانسیانینگ و اوزونینگ اوچونجی گلینی اوردی و 120 داقیقالیق اویون ینه 3-3 بوُلدی.

پنالتی آتوولاریندا آرژانتین 4-2 حاسابی بیلن فرانسیانینگ میللی فوتبال توُپارینی ینگدی و 1978 و 1986-نجی ییلدان سونگرا اوچونجی گِزه ک دونیأده بیرینجی بوُلدی.

بو یاریشلاردا فرانسیادان کیلیان امباپه 8 گل بیلن اینگ کؤپ گل اوران توپُار بوُلدی.

لیونل مسی ده 7 گل بیلن ایکینجی بوُلدی.

مسی بو دونیأ یاریشیندا اینگ قوُوی فوتبالچی حؤکمونده آلتین توُپ بایراغینا ایه بوُلدی.

آرژانتین ینگ دروزه چیسی ده بو یاریشدا اینگ قوُوی دروزه چی بایراغینا ایه بوُلدی.

آرژانتین دان ینه انزو فرناندز اینگ قوُوی یاش فوتبالچی بایراغینی آلدی.

شیله لیک بیلن بوتین دونیأ فوتبال یاریشیندا آرژانتین اوزاق واغتدان سوُنگرا ینه اوز حیالینا قوُویشدی و لیونل مسی ده کلکسیونیندا یری بوُش بولان بوتین دونیا فوتبال یاریشی نینگ قاهریمانلیغینا قوُویشدی.