Zarif bilen Gazagystanyň prezidenti Astana-Sika prosesini gözden geçirdiler

Çarşenbe güni IRNA-nyň habaryna görä, Gazagystanyň resmileri bilen pikir alyşmak üçin Nursultanda bolan Muhammet Jawad Zarif Gazagystanyň prezidenti Kasym Jumart Tokaýew bilen duşuşyp, özara gyzyklanýan meseleleri ara alyp maslahatlaşdy.

Duşuşygyň dowamynda Eýranyň Daşary işler ministri Gazagystany Hazaryň ýakasynda özüniň dosty we goňşusy diýip atlandyrdy we sebitiň we halkara meselelerinde iki ýurduň ýakyn pozisiýasynyň möhümdigini aýtdy.

Şeýle hem Zarif, iki ýurduň arasyndaky gatnaşyklary saklamak we giňeltmek üçin dowamly hyzmatdaşlygyň ýollaryny tapmak ugurda tagalla etmegiň zerurdygyny aýtdy.

Bu duşuşyga Gazagystanyň prezidenti Kasym Jumart Tokaýew hem umumy taryha we Eýran bilen hyzmatdaşlygy ösdürmegiň ähmiýetine ünsi çekip, Eýran Yslam Respublikasyny sebitde esasy hyzmatdaş hasaplady we ykdysady we syýasy pudaklarda gatnaşyklaryň hemmetaraplaýyn giňelmegine ünsi çekdi.

Duşuşykda ýadro ylalaşygyň wakalary, Owganystandaky parahatçylyk prosesi, Astana we Sika prosesi ara alnyp maslahatlaşyldy.