Taryhda 3-nji ýanwar

1521-nji ýylyň 3-nji ýanwary… Orta asyr Ýewropasynda buthananyň awtoritaryna garşy durup, “Özgertme hereketiniň” başlamagyna sebäp bolan Martin Luther katolik dünýäsiniň ruhany lideri Papa Leo 10-njy tarapyndan “dinden çykarylýar”. Rime çagyrylyp, düşündiriş bermegi islenen Martin Luther ony kabul etmeýär we injili nemes diline terjime edip, buthana garşy göreş yglan edýär.

1961-nji ýylyň 3-nji ýanwary… Fidel Kastronyň öňbaşçylyk edýan kommunist güýçleriň paýtagt Gawanany almagyndan soň ABŞ Kuba bilen gatnaşyklary bes edýär. Şondan bir ýyl soň Papa İoannes 23-nji Fidel Kastrony dinden çykarandygyny yglan edýär.

1990-njy ýylyň 3-nji ýanwary… Amerikan goşunlary tarapyndan agdarylan Panamanyň döwlet Ýolbaşçysy Manuel Noriega 10 ýylyň dowamynda ýaşan ýeri bolan Watikanyň Panama Sitidäki ilçihanasyndan çykyp, Amerikan esgerlerine boýun egýär.

2004-nji ýylyň 3-nji ýanwary… Müsürde hususy howa ýollaryndan birine degişli ýolagçy uçary Şarm Al Şeýh-Parij gatnawynyň dowamynda Gyzyl deňize gaçýar. Uçardaky 148 adam pida bolýar.