Serdar Azmun «Şabab Al-Ahli» bilen BAE-niň Superkubogyna mynasyp boldy

news ID :
133330
/
Date :
2024-12-14
Font

TurkmensNews-13-nji dekabrda Dubaý şäherindäki «Al-Maktum» stadionynda «Şabab Al-Ahli» we «Al-Wasl» toparlarynyň arasynda BAE-niň Superkubogy üçin oýun geçirildi. Duşuşygyň esasy wagty 2:2 hasabynda deňlikde tamamlanyp, ýeňiji penaltiler seriýasynda kesgitlenildi.

Serdar Azmun TurkmensNews 1 237x300 - Serdar Azmun «Şabab Al-Ahli» bilen BAE-niň Superkubogyna mynasyp boldy

Eýranly türkmen asylly Serdar Azmun esasy düzümde oýna çykdy. Ol oýunda tapawutlanmadyk hem bolsa, 11 metrlik urgularyň ilkinjisini dürs ýerine ýetirdi. Penaltiler seriýasy 4:1 hasabynda «Şabab Al-Ahliniň» peýdasyna tamamlandy.

Şeýlelikde, 29 ýaşly hüjümçi «Şabab Al-Ahliniň» düzümindäki ilkinji kubogyny gazandy. Häzirki wagtda onuň topary BAE-niň premýer-ligasynda ikinji ýerde barýar.

Serdar Azmun şu möwsümde 6 gol urup, 1 gezek golly pas berdi.

Short Link