Prezident Erdogan Özbegistanda Saparda Boldy

Prezident R. T. Erdogan, Türkiye bilen Özbegistanyň arasyndaky söwda mukdarynyň 2021-nji ýylda 72 göterim artyp 3,6 milliard dollardan geçendigine ünsi çekdi.

Prezident Erdogan “Durmuşa geçiriljek işler bilen özara söwda mukdaryny 10 milliard dollara ýetireris” diýdi.

Kärdeşi Mirziýoýewiň çakylygyna laýyklykda Özbegistana baran Prezident Erdogan, şu ýyl Türkiye bilen Özbegistanyň arasynda diplomatik gatnaşyklaryň ýola goýulmagynyň 30 ýyllygynyň bellenilip geçilýändigini belledi.

Erdogan “Geçirlen gepleşikler netijesinde ýurtlarymyzyň arasyndaky gatnaşyklary strategik hyzmatdaşlyk derejesine göterdik. Söwda mukdarymyz geçen ýyl 72 göterim artyp 3,6 milliard dollardan geçdi. Gysga wagtda özara söwda mukdaryny 5 milliard dollara, soň bolsa 10 milliard dollara ýetirmegi maksat edinýäris” diýdi.