• news ID :

    93960

  • /
  • Date :

    2021-05-03

  • Font

4by14f51685b411v5mt 800C450 300x169 - Özbegistan Respublikasynyň Prezidenti Ş türkmen paýtagtyna sapar etdiTurkmensnews- 2021-nji ýylyň ۲۹-njy aprelinde Özbegistan Respublikasynyň Prezidenti Şawkat Mirziýoýew türkmen paýtagtyna sapar bilen geldi.

Saparyň çäklerinde Türkmenistanyň we Özbegistan Respublikasynyň Prezidentleriniň ikitaraplaýyn gepleşikleri geçirildi, onuň barşynda özarabähbitli türkmen-özbek gatnaşyklaryny ösdürmegiň we pugtalandyrmagyň derwaýys ugurlary ara alnyp maslahatlaşyldy.

Soňra Türkmenistanyň Prezidenti Gurbanguly Berdimuhamedow Gypjakda ýerleşýän ýurduň Baş metjidinde agzaçar sadakasyny berdi. Oňa Özbegistan Respublikasynyň Prezidenti Şawkat Mirziýoýew hem gatnaşdy.

Iki dostlukly ýurduň Baştutanlary ýurduň Baş metjidiniň ýanyndaky kümmete baryp, Türkmenistanyň ilkinji Prezidentiniň ýagty ýadygärligini hatyraladylar. Bu ýerde Türkmenistanyň we Özbegistanyň müftüleri aýat we doga okadylar.

Soňra Prezidentler Gurbanguly Berdimuhamedow we Şawkat Mirziýoýew agzaçar sadakasyna gatnaşdylar.

Çäräniň ahyrynda Prezidentler Gurbanguly Berdimuhamedowyň we Şawkat Mirziýoýewiň bilelikdäki awtoulag kerweni Aşgabadyň Halkara howa menziline barýar.

Şol ýerde Türkmenistanyň Prezidenti özbek kärdeşine ýene-de bir gezek minnetdarlyk bildirdi we onuň bilen hoşlaşdy.

Özbegistan Respublikasynyň Baştutany Watanyna ugrady.

Share :
Share :

In Telegram

Join To Our Channel

In Instagram

Follow Our Page

Related posts

Commets

Your Comment

*

*
*

بالا
ترکمن نیوز