Aşraf Gani Eýranyň Kamal Han bendi baradaky pozisiýasyna ýokary baha berdi

Owganystanyň prezidentiniň metbugat gullugynyň beren habaryna görä, şu günki ministrler kabinetiniň ýygnagynda Muhammet Aşraf Gani, Eýranyň Daşary işler ministrliginiň Kamal Han bendiniň açylmagy baradaky habaryna minnetdarlygyny bildirmek bilen Owganystan Hirmand şertnamasyny durmuşa geçirmäge borçlanýar we Owganystanyň we Eýranyň ykdysadyýetleri biri-birini kämilleşdirýär we Kabulyň goňşy ýurtlar bilen hyzmatdaşlygy dowamly boljakdyr diýdi.

Çarşenbe güni Eýran Yslam Respublikasynyň Daşary işler ministrliginiň metbugat sekretary Said Hatibzadeh Owganystanda Kamal Han bendiniň açylmagy bilen baglanyşykly aýdylanlar barada habarçylaryň beren sowalynyň jogabynda Hirmand derýasynyň kesgitlenen kanuny režimi bar we 1351-nji ýylda Eýran bilen Owganystanyň arasynda gol çekilen şertnama laýyklykda Eýranyň suw hukuklary anyk kesgitlenýär we owgan hökümeti bu suw hukuklaryna ygrarlydyr diýdi.

Hatibzadeh, Eýran Yslam Respublikasynyň döwletiniň Owganystanyň prezidentiniň suwy iki ýurduň arasyndaky hyzmatdaşlyga öwürmek baradaky sözlerini garşy alýandygyny we bu maksada taýýardygyny aýtdy.

Aşraf Gani Owganystanyň Nimroz welaýatynda Kamal Han bendiniň resmi açylyş dabarasynda “Biz Eýranyň suw hukuklaryna ygrarlydyrys we Tähran tarapyndan aşa köp talap edilse, nebit üçin suw çalşmaga taýýardygyny” aýtdy.