ترکمن نیوز

24 300x185 - TÜRKMENISTANA BÜTINDÜNÝÄ SÖWDA GURAMASYNYŇ SYNÇYSY DEREJESI BERILDITurkmensnews- Türkmenistanyň bu Gurama synçy hökmünde goşulyşmak başlangyjyna uly goldaw berildi

۲۰۲۰-nji ýylyň ۲۲-nji iýulynda Şweýsariýa Konfederasiýasynyň Ženewa şäherindäki Bütindünýä söwda guramasynyň (BSG) ştab kwartirasynda Bütindünýä söwda guramasynyň Baş Geňeşiniň nobatdaky mejlisi geçirildi. Onuň dowamynda Türkmenistanyň Bütindünýä söwda guramasyna synçy hökmünde goşulmagy hakyndaky ýüzlenmä seredildi.

Türkmen tarapyndan mejlise Türkmenistanyň BMG-niň ýanyndaky hemişelik wekili, şeýle-de sanly wideoaragatnaşyk ulgamy arkaly Türkmenistanyň Daşary işler ministrliginiň, Söwda we daşary ykdysady aragatnaşyklar ministrliginiň, Maliýe we ykdysadyýet ministrliginiň wekilleri gatnaşdylar.

Türkmenistanyň Bütindünýä söwda guramasyna synçy hökmünde gatnaşmak boýunça ýüzlenmesine seredilmegi mynasybetli ýörite dabara gurnaldy. Onuň barşynda Türkmenistanyň hemişelik wekili Türkmenistanyň hökümetiniň adyndan çykyş etdi. Ol öz çykyşynda Baş Geňeşiň gatnaşyjylaryna Gurama goşulyşmak işiniň başlangyçlary, hususan-da Türkmenistanyň daşary ykdysady işini durmuşa geçirmegiň täzeçil syýasaty barada gürrüň berdi. Bu ugurda “Türkmenistanyň daşary ykdysady işini ösdürmegiň ۲۰۲۰-۲۰۲۵-nji ýyllar üçin Maksatnamasynyň” wajyp resminama bolup durýandygy barada bellenip geçildi.

Ýurduň bu derejä eýe bolmagy Türkmenistanyň milli ykdysadyýetiniň ýokary depginli ösüşine, daşary söwda ulgamyndaky ornunyň pugtalanmagyna, köptaraplaýyn hyzmatdaşlygyň amala aşyrylmagyna, daşary ýurtlardan maýa goýumlaryny çekmäge we halkara söwda gatnaşyklaryny ösdürmäge ýardam berer. Şeýle-de bu täjirçilik we söwda strategiýalarynyň işlenip düzülmegine hem-de olaryň üstünlikli durmuşa geçirilmegine degişli bolup durýar.

Türkmen tarapynyň çykyşyndan soň, Gurama gatnaşyjy döwletleriň birnäçe wekili, şol sanda Owganystanyň, Belarusuň, Gazagystanyň, Gyrgyzystanyň, Mongoliýanyň, Panama Respublikasynyň, Russiýa Federasiýasynyň, Täjigistanyň, Türkiýäniň we Ukrainanyň wekilleri Türkmenistanyň bu Gurama synçy hökmünde goşulyşmak başlangyjyny goldap çykyş etdiler.

Geçirilen maslahatlaşmalardan soňra, BSG-niň Baş Geňeşine gatnaşyjy döwletler Türkmenistana BSG-niň synçysy derejesini bermek baradaky çözgüdi biragyzdan kabul etdiler.

Häzirki wagtda 164 döwlet BSG-niň agzasy bolup durýar. 24 ýurtda bu Guramanyň synçy derejesi bar. Türkmenistan synçy derejesindäki 25-nji döwlet boldy.

تاریخ و زمان خبر

24

07

2020

چاپ
تلگرام
اینستاگرام
گوگل پلاس
فیسبوک
توئیتر
فونت بزرگ
فونت کوچک

propaganda