سایلاوینگ ایکینجی اِتابی أردوُغان بیلن قیلیچداراوُغلی نینگ آراسیندا گچر

دۆین یکشنبه گۆنی 14-نجی مای دا گچیریلن جمهورباشلیقلیق سایلاوی نینگ ایکینجی اِتابی رجب طیب أردوُغان و کمال قیلیچداراوُغلی نینگ آراسیندا گچر.

جمهورباشلیقلیق سایلاوی نینگ ایکینجی اِتابی یکشنبه گۆنی 28-نجی مای دا گچیرلر.

بو سایلاودا ینگیش قازانان دالاشگأر، تۆرکیأنینگ جمهورباشلیغی بوُلار.

یوُقاری سایلاو قوراماسی نینگ باشلیغی احمد ینر ایکینجی اِتابینگ گچیریلمه‌لیدیگینی بیلدیردی.

ینر تۆرکیأنینگ ایچیندأکی بۆتین صاندیقلارینگ آچیلاندیغینی و سِسلرینگ سانالاندیغینی آیتدی و تۆرکیأنینگ ایچرسینده سایلاوا قاتناشیغینگ 88.92 گؤتِریم (%) و داشاری یورتلاردا 52.69 بوُلاندیغینی حابار بردی.

احمد ینر، رسمی بوُلمادیق سانلارا گؤرأ رجب طیب أردوُغان ینگ سسلرینگ 49.51 گؤتِریمینی آلاندیغینی آیتدی.

کمال قیلیچدار اوُغلی بوُلسا سانالان سسلرینگ 44.88 گؤتِریمینی اؤزۆنه دگیشلی اتدی.

سینان اوُغان سسلرینگ 5.17 گؤتریمینی و محرم اینجه 0.44 گؤتریمینی آلدی.

دۆین پارلمان سایلاوی دا گچیریلدی.

پارلمان سایلاوی نینگ سسلری نینگ 99.86 گؤتریمی سانالدی و شوُنگا گؤرأ جمهور بیله له شیگی 49.46 گؤتریم و میللت بیله له شیگی 35.02 گؤتریم سس آلدی.

عادالات و اؤسۆش حزبی (آق پارتی) 35.58 گؤتریم، میللتچی حرکت حزبی 10.07%، جمهوریت حالق حزبی 25.33 گؤتریم، قوُوی (ایی) پارتی دا 9.69 گؤتریم سس آلدی.