عبدالقادر آخوند داغستانیمشاهیر ترکمن-ترکمن نیوز-  عبدالقادر آخونددان اؤنگ تۆرکمن صحرادا حوزه علمیه و مکتب‌خانه‌لار هم بارمیش، یؤنه مختومقلی فراغی‌نینگ آیدیشی یالی:
«پلته‌سیز یاغ چیراغا ایشیق سالماز قیراغا»
اول چراغ یاغتی‌سینی تۆرکمن صحرانینگ دۆرلی کونجونه ساچیپ بیلمأندیر. عبدالقادر آخوندینگ علمی، گۆیجلی شمال یالی اؤسۆپ، جهالت بۇلۇت‌لارینی قۏوۇپ، صحرانینگ هواسینی آراسسالاپ، دینینگ شعله‌سینی ساچیپ باشلاپدیر. عربجیقدا دؤرأن باغینگ میوه‌لریندن پیدالانماق اۆچین، تۆرکمنینگ، علما و دینا اخلاصلی فرزندلری صحرانینگ اهلی یریندن، داغلارینگ آراسینداقی بیر بؤله‌جیک اۏبا ییغنانیپدیرلار.

«هر کیمینگ نه مقدار بولسا اخلاصی شول مقدار آچیقدیر حقینگ درگأسی»

عبدالقادر آخوندینگ علم اوجاغینا گلن طالِب‌لار، اؤز یاغدای‌لارینا گؤرأ اۏنۇنگ برکت‌لی ساچاغیندان علم چؤره‌گینی آلیپ گیدپدیرلر. بیر نأچه شاگردلری هم اول ساچاغینگ چوره‌گی دألده، بلکه اونونگ خمیر‌مایا‌سیندان آلیپ اؤز عقل پایخاسلاری‌نینگ اۇنۇنا قاتیپ، اؤز باشلایین بیر برکتلی علم اوجاغی‌نینگ نانینی، طالِب‌لارا پایلاپدیرلار. تۆرکمن صحرانینگ هایسی بیر اوباسیندا علم اوجاغی بار بولسا شول اوجاغینگ باشلانغیچ اودی حؤکمان عبدالقادر آخوندینگ علم اوجاغی‌نینگ کؤزی بیلن یاناندیر دییسک یانگلیشماساق گرک.
عبدالقادر آخوندینگ علم چشمه‌سیندان بهره آلان شاگردلرینی بارماق باسیپ ساناردان کؤپدۆر. داغستانداقی طالِب‌لاریندان اؤز قارداشی ابراهیم آخوند داغستانی و عبدالوهاب آخوند فروزش، و ایرانداقی شاگردلریندن شو عالم‌لاری یادلاماق بولار: ۱- استاد یارجان آخوند نظری، ۲- استاد حاجی‌محمد آخوند عابدی‌کر، ۳-استاد حاجی‌مراد آخوند اراده‌ای، ۴-استاد حاج‌ دوست‌محمد آخوند میرحسن‌زاده، ۵-استاد حاج‌حسن ‌آخوند میری، ۶- استاد حاج‌قربان آخوند پورانی مراوه تپه، ۷- استاد حاج عبدالجلیل آخوند جعفربای گنبد، ۸- استاد حاج بای‌گلدی آخوند امانی دشتک، ۹- محمدامین آخوند آگاه دشتک، ۱۰- استاد حاج نورمحمد آخوند طلایی، ۱۱- استاد حاج دیلگ آخوند، ۱۲- استاد حاج عبدالرحمن آخوند مدرسی، ۱۳- استاد حاج‌ آنه‌محمد قاری ایشان، ۱۴-استاد حاج خدرقلی قاری، ۱۵- استادحاج بگلی ملا، ۱۶- استاد حاج‌اراز سعدآخوند زاو، ۱۷- استاد خالق‌بردی آخوند دوردی‌زاده قارناوا، ۱۸-آنه‌قلیچ آخوند نقشبندی و…
تقدیره چاره یوق، گلن گچر، قۏنان گؤچر آدمزاد، دیییپ آیدیلشی یالی، استاد عبدالقادر آخوند۱۳۸۱هـ.‌ق ییلی‌نینگ جمادی‌الثانی آیی‌نینگ ۲۶ گۆنی، ۱۳۴۰-نجی ش. ییلینگ آذر آیی‌نینگ ۱۴ گۆنی فانی دۆنیأ سراییندان، باقی مکانا رحلت ادیپدیر. اول حضرت‌لرینگ قبوری گللیداغینگ حوزه‌‌سی‌نینگ حیاطی‌نینگ ایچینده‌دیر .
«الله‌سی اوندان راضی بولسون»

استاد بای‌محمد قیلیچی‌نینگ یاقېندا چاپ بولجاق: «هر گلدن بیر یاپراق» آدلې کتابیندن

تاریخ و زمان خبر

۷:۵۸

۱۹ آذر ۱۳۹۷

چاپ
تلگرام
اینستاگرام
گوگل پلاس
فیسبوک
توئیتر
فونت بزرگ
فونت کوچک