در شیراز 300x198 - شیرازدا سیل گلدیتورکمن نیوز: تورکمن صحرادان سونگرا ایران ینگ گۆن اورتا ولایاتیندا شیرازدا سیل گلدی.
دونأ تورکمنلری‌نینگ حابار آجانسی‌نینگ آیتماغینا گورا؛  ایران سیل سبأپلی ییتگی چکیأر.

مازندران و گلستان ولایاتلاریندان سونگرا سیل شیراز شهرینی ده اوردی.

شیرازینگ دروازه قرآن آدلی یرینده بولان سیل‌ده اینگ آز ۱۱ آدام اؤلدی، ۱۵ آدام یارالاندی.

نوروز تعطیلی سبأپلی یۆزمۆنگلرچه توریست شیرازدا بولانی سبأپلی ییتگیلرینگ کؤپ بولاندیغی بیلدیریلدی.

شیرازدا دوشنبه گۆنی ارتیر بیلن باشلان آشاکؤپ یاغیشلار سیلا سبأپ بولدی.

گلستان ولایاتی و تۆرکمن‌صحرانینگ کۆممِت قاووز، آق قالا، مینودشت، کلالا، ماراوادپه (گۆللی داغ) و کوموش دپه یالی شهِرلرینده بولان سیلدا دا اینگ آز ۲ چاغا اؤلۆپدی، کؤپ سانلی شأهِر سووآستیندا قالیپدی.

آق قالادا سووینگ یسگه لأندیگی بیلدیریلیأر ولین هنیز ده آق قالا سیلدان حالاص بولوپ بیلمه‌دی.

بیله‌کی تاراپدان رسمی حابار سریشده لری ایران ینگ هلال احمر و قشون یالی قورامالاری نینگ سیلدا قالان یرلی یاشاییجیلارا کؤمِک بریأندیگینی بیلدیریلیأر.

آق قالا سیلیندا کۆممت قاووز، بندر تورکمن، کوموش دپه و أهلی تورکمن صحرا اۇبالاریندان بریلن کؤمِکلر بیلن بیله لیکده ایران ینگ بیله کی یرلریندن ایلایتا دا آذربایجان، اردبیل، بلوچیستان و کرمانشاه یالی ولایاتلاریندان دا حالقینگ دۆرلی کؤمِکلر بریأندیگی حابار بریلیأر.

 

تاریخ و زمان خبر

۱۴:۰۵

۰۷ فروردین ۱۳۹۸

چاپ
تلگرام
اینستاگرام
گوگل پلاس
فیسبوک
توئیتر
فونت بزرگ
فونت کوچک