تورکمن نیوز: ایرانینگ تورکمن‌ صحرا بؤلگه سی ایلایتادا گلستان ولایاتی نینگ کوممِت قاووز، آق قالا و کۆمۆش دپه شأهِری و اوبالاری نأچه گوندن بأری سیل سبأپلی کؤسه‌نیأر.

 

سیل ترکمنصحرا 1024x581 - سیل تورکمن‌ صحرانی کؤسه‌یأر / نأچه گوندن بأری تورکمن‌صحرا سوو آستیندا

 

دونیأ تورکمنلرینگ حابار آجانسینینگ آیتماغینا گورأ:  کوممِت قاووز شهرینده سیل سوولاری نینگ کؤشِه‌شِندیگی آیدیلسادا اترک و گورگن یاقاسینداقی اۇبالارینگ بوشالدیلماغی ایسله‌ندی.

کوممِت شأهِریندن سونگرا آق قالا بیلن کوموش دپه و بندر تورکمن ینگ اوبالاری دا سیل بلاسینا دوچار بولدی.

ایران ینگ رسمی حابار سریشده سی، آق قالا شأهِری نینگ ۷۰ گؤتریمی نینگ سوو آستیندا قالاندیغینی بیلدیردی.

شأهِرینگ یاشاییجیلاری قاییق بیلن کؤچه لرده قاتنایار.

آق قالانینگ بیرنأچه اۇباسی نینگ بۇشالدیلاندیغی بیلدیریلیأر.

گۆرگن شأهِری نینگ جومغا امامی آیت الله سیدکاظم نورمفیدی گۆلیستان ولایاتی نینگ جۇغاپکأرلرینی ایش باشینا چاغیردی.

نورمفیدی اینگ آز ۱۸۰ مۆنگ هکتار یر و ۷ مۆنگ هکتار باغینگ سیل سبأپلی ضلل گؤرِندیگینی بیلدیردی.

دؤولت بۇلسا سیبدان ضلل گؤرِنلره مادّی کؤمِک بریلجکدیگینی بیلدیریأر.

ایرنانینگ حابارینا گؤرأ کۆممِت قاووزینگ جومغا امامی، گۆلیستان ولایاتی نینگ تلویزیون کانالیندان بینجالیغینی بیلدیردی. آخون جاور گۆلیستان و بوستان بنتلری نینگ واغتیندا آچیلماندیغینی آیتدی.

بیله کی تاراپدان گۆللی‌داغ شأهِرچه سی نینگ ۲۷ اۇباسیندا یر سۆیشدی.

آق تۇقای- ارکِکلی یۇلونینگ دا یاپیلاندیغی حابار بریلدی.

دوشنبه گۆنۆندن بأری گۆلیستان ولایاتیندا ۳۰۰ میلیمتر یاغیش یاغدی.

گۆلیستان ینگ داغلاریندا بۇلسا ۱.۵ متر قار یاغدی.

تاریخ و زمان خبر

۲۱:۵۷

۰۲ فروردین ۱۳۹۸

چاپ
تلگرام
اینستاگرام
گوگل پلاس
فیسبوک
توئیتر
فونت بزرگ
فونت کوچک