1 194 232x300 - دننان غارا (dennangara) اوسوملیگین خاصیت‌لریتورکمن نیوز: دننان‌ غارا بارادا ماغلومات :

تۆرکمـِنچه آدئ : دننان‌غارا (DENNANGARA)
پارسچا آدئ : گونه‌ای از گیاهان خانواده گاوزبان _گل گاوزبان وحشی
عئلمئ آدئ : Anchusa italica
باشغا عئلمئ آدئ :Anchusa azurea

حأصییـِتی _ دۆنیأده ۵۰_۴۰ تۆرکمـِنیستاندا ۱ گؤرنۆشی دوش گلیأر.
دننان‌غارا _ بوراچنیک‌لـِر ماشغالاسئ‌نئنگ ( بوراژیناسه Boraginaceae) آدئبیر اوروغئ‌نئنگ بوُیئ ۱۰۰_۴۰ (۱۲۰) سانتىمیتره یتیأن کؤپ‌یئللئق اوُتجوماق وکیلی. اؤسۆملیگینگ توتوشلایئن گۆر هم اوزئن غاتئ آق تیکـِن‌لی چیتـِنـِکل‌لـِر بیلـِن اؤرتۆلـِن. بالداغئ دیک، شاخالانان. کؤک‌یانئنداقئ ياپراق‌لارئ یومورتغا شکیل‌لی یا_دا سۆرۆمتیک _نشدِر گؤرنۆشلی. اوُنونگ اوزئنلئغئ ۳۰_۱۰ سانتىمـِتر، اینی ۶_۵ سانتىمـِتره چنلی، اساسئ ائز‌گیدِر غئسئلیار. بالداقداقئ آشاقئ یاپراق‌لار غئسئلان، ساپاقلئ. یوُقارقئ ياپراق‌لارئ ساپاق‌سئز، سۆرۆمتیک شکیل‌لی.

اؤسۆملیگینگ گۆلجاغازلارئ سالقئما یئغنانان، گۆیچلی شاخالانئپ، سۆبسه گۆلتوُپلومئنئ عمـِله گتیریأر. گۆلتأجی آچئق ماوئ رنگک‌لی. اوزئنلئغئ ۷mm یتیأن میوه‌سی خوُزجاغاز شکیل‌لی.
مـِلهـِم‌لیک اؤسۆملیک‌ آپرِل _مای آیلارئندا گۆلله‌یأر، اییون_اییولدا میوه‌له‌یأر.

درمانلئق چیگ‌مالئ. اؤسۆملیگینگ درمانلئق ماقصادلارئ اۆچین یاپراغئ، اوُتئ، گۆلی و کؤکی چیگ مال بوُلوپ خئذمات ادیأر. درمانلئق چیگ مالئ عاداتئ اوصول‌دا یئغنالیار هم تاییارلانئلیار.

پـِیدالانئلئشئ. دننان‌غارائنگ مـِلهـِم‌لیک واغتلاردان بللی بوُلوپدور. مونونگ شـِیله دیگینی ابو علی ایبن سينا‌نئنگ «لوقمانچئلئق عئلمئ‌نئنگ قانون‌لارئ» دییـِن دۆنیأ بللی اثـِرینی اوُقانئنگدا گؤز یایریأرسینگ. تانئمال لوقمان دننان‌غارانئ سارئ‌گتیرمأ غارشئ، اوُنئ آرپا اوُنئ بیلـِن غارئشدئرئپ چئبانا چالغئ حؤکموٌنده گینگدِن اولانئپدئر.
تۆرکمـِن خالق لوقمانچئلئغئندا (باهارلئ هم ماغتئمغولئ اطراپلارئ‌نئنگ داغلئق اوُبالارئندا) دننان‌غارائنگ کؤکۆنی غایناپ دوران سئغئر یاغئنا غارئپ، مرهـِم گؤرنۆشده غانئ توُغتادئجئ سریشده حؤکموٌنده اولانیارلار.
مرکـِزی آسییانئنگ هم_ده تۆرکمـِن خالق لوقمانچئلئغئندا دننان‌غارائنگ گۆل‌لـِریندِن تاییارلانئلان مـِلهـِم‌لیک پــِتینی نِوراستـِنییادا، دِم غئسمادا، دؤش ائزالارئندا خایئرلانئلیار. موندان باشغا_دا بو اؤسۆملیگی مرهـِم گؤرنۆشینده غئزغئن پـِسـِلدیجی هم یارانئ بیتیریجی سریشده حؤکموٌنده، شوُنونگ یالئ_دا اۆسگۆلـِوۆکده پـِیدالانئلیارلار.

 

تاریخ و زمان خبر

۸:۵۶

۱۸ خرداد ۱۳۹۹

چاپ
تلگرام
اینستاگرام
گوگل پلاس
فیسبوک
توئیتر
فونت بزرگ
فونت کوچک