تورکمن نیوز: آنکارا ییلدیریم بیازیت بیلیم یوردونینگ سیاسی علم‌لار فاکولته‌تی نینگ باشلیغی پروفسور قدرت بلبل ینگ یازغیسینی اوقایارسینگیز.

دورموشا اؤنگین قارایان آداملار اوچین گؤونی چؤکگون ماقالالار یازماق ینگیل بولماسا گِره ک. سیزینگ اونسۆنگیزی پاراحاتچیلیغا، آسودالیق و عشرته تاراپ باریان دۆنیأ بارادا، آزاتلیق آیدیملاری، دۇغانلیق بوشلوقلاری، دنگلیک، پایلاشماق باراداقی آنالیزلری دیققاتینگیزا یتمیرمه ک ایسله یأر.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

قینانساق دا آمریکا، روسیا و حیتای یینگ و بیله کی گۆیچلرینگ گؤنۆکدیرمه گی بیلن گۆن سایین دارتغینلاشیان دۆنیأ تاراپ باریاریس. گلوبال اۇیونچیلارینگ یانی بیلن شخصی یا دا قورامچیلیقلی تروریسم تاپاووتلیلیقلاریمیز بیلن بیله لیکده یاشاماق ایسله یأن آدامزات ماشغالامیزینگ یاشاییش گینگیشلیگینی گۆن سایین دارالدیار. گۆن باتار یورتلاری نینگ گۆن سایین ۲-نجی جاهان اورشوندان اۇزالقی شرطلره دۇلانماغا یؤنه‌لمِه‌گی، تاپاووتلیلیقلارا قارشی پاجیغالی هۆجۆملر، مانقورتلاشان دۆشۆنجأ ایه بۇلان داعش، تأزه زلانددا و سریلانکادا باشدان گچیریلنلر، تارانتیزم، اوانجلیسم یالی واقالاری یادا سالاندا آدامینگ روحی دۆنیأسی حاص هم قارالیار.

علم دونیاسی 1024x612 - تورکیه تجریبه‌سی: حوراسان یولی

گؤزیتیمیمیزی گۆن سایین قارالدیان بو واقالارا قارشی هم مسلمان دۆنیأسی هم ده گلوبال دۆنیأنی آسودالیغا، جبیسلیکده یاشاماغا چاغیریان حاص أهلی عمومی سؤزلر، چمه له شمه لر اؤرأن مؤهۆم. حاص دۇغروسی هممه لری بِللی قیمماتلیقلاری ایقرار اتمأگه و یاشاماغا چاغیریان أهلی عمومی آحلاق قادالاری گؤه ک.

باشغا اوغورلاردا دا بۇلماغی، اِمما اساسان دا دینی تایدان پلورالیزمی قابول ادن و ایچگینلیک بیلن ایش یۆزۆنه گچیریلن شرطلر آدامزات ماشغالاسی نینگ مسئله لری نینگ اساسی بؤله گینی چؤزمِز می؟

آداملار اؤزۆنه منگزه یأنلری حاص قۇوی گؤرۆپ بیلر. اِمما شیله حالاتدا چِتلِه‌شدیریلمه ک، آلالاماق، دوشمانچیلیق اتمه ک نأمأ گره ک؟

تاپاووتلیلیقلاری حۇوپ حؤکمۆنده گؤرمه گینگ یرینه اۇلاری پورصات، بایلیق حؤکمۆنده گؤرمه اۇلارا حۇش نیتلیلیک بیلن یاقینلاشماق، پاراحاتچیلیقدان و آسودالیقدان باشغا نأمه گتیرر؟

دینگه آلماغی دأل، برمه گی، بؤلۆشمه گی پیکیرلِنمه ک و ایش یۆزۆنه گچیرمه ک باغتیارلیغینگ و دورنوقلیلیغینگ گؤزباشی دأل می ایسه م؟

تاپاووتلینی کِمسیتمه ک، تاپاووتلی دیلی، دینی، رنگی، میللتی، ایدئولوژینی و دۆشۆنجأنی آغالیق حؤکمۆنده گؤرمِزلیک جبیس یاشاماغینگ باشلانغیچ یؤره لگه لری دأل می؟

آصلینا سِر ادیلنده یۇقاردا بیان ادن قیمماتلیقلاریمیزینگ اساسی بؤله گی شو گۆنکی گۆنده أهلی عمومی قیمماتلیقلار حؤکمۆنده قابول ادیلیأن قیمماتلیقلار. اِمما گپله شیگیمیزینگ اۇزالقی سانلاریندا دا بِللأپ گچیشیمیز یالی هامالا دیه رسینگیز قیمماتلیقلارینگ سۇنگونینگ ایغلان ادیلن دؤورۆنده یاشایاریس. اۇزاللار ادیلجک قاداسیزلیقلار گؤرۆنیأن هم بۇلسا قانونا باپ گتیریلیأردی. اِمما أهلی عمومی قیمماتلیقلارین گؤنۆدن باسغیلانیان دۆنیأسینده یاشایاریس. بیله کی تاراپدان آبستراکت قابول ادیلیأن و بِللی شرطنامالاردا بِیان ادیلیأن، اِمما آؤزلشدیریلمه دیک قیمماتلیلقلار یا دا قادالار اساسان کاغیذ یۆزۆنده قالیار.

شو گۆن یتیلن سپگیتده چاقنیشیق، رادیکالیسم، آسیمیلاسیون، چِتله‌شدیرمه، باسغیلاماق بۆتین دۆنیأده گینگدن یایبانگلانیار.

ایسه م یۇقاردا بیان ادیلن قیمماتلیقلارینگ آبستراکت بیانیندان داشغاری آحلاقی گؤرنۆشی بیلن قۇلدانان تاریجی تجریبه بار می؟

بیزینگ مدنیتیمیز تایدان بو سۇراغا آرقایینلیق بیلن هاوا دییپ بیلریس. حۇراسان بؤلگه سیندن بۆتین دۆنیأ یایران دۆشۆنجه، قاراییش، چمه له شمه اساسان یۇقاردا بیان ادیلن و ادیلمه دیک کؤپ سانلی قیمماتلیغا، شۇل قیمماتلیقلارینگ اؤزلِشدیریلمه گینه، آحلاقی توتوم بیلن قۇلدانماغینا گؤزباش بۇلوپ دوریار. شۇل اِکول حوراسان یۇلی، یوواشچیلیق، صوفیچیلیق، حۇراسان اِرِنلری، مولویلیق یالی تاپاووتلی آدلار بیلن آدلاندیریلیار. نأحیللی آتلاندیریلاندیغینا قارامازدان ماضمونی بیرمِنگزِه‌ش. من هم جغرافیک بؤلگه هم ده شۇل بؤلگأنینگ بۆتین دۆنیأ یایران دۆشۆنجأ و قومانیتار (انسانی) آقیمی بیان ادیأندیگی اۆچین حوراسان یۇلی دیمه گی سایلاپ آلیاریس.

ایلکی بیلن حۇراسان ینگ نیره ده دیگینی بیان ادلینگ. ایران، اۇوغانیستان، تأجیگیستان، تۆرکمنیستان، قیرغیزیستان، قازاغیستان، اؤزبگیستان دیارلاری نینگ بیر بؤله گینی اؤز ایچینه آلیان، مرو، هرات، نیشابور، بلخ، بخارا و سمرقند شأهِرلری نینگ یرله شیأن تاریحی بؤلگه سی حوراسان دییپ آدلاندیریلیار. هاوا، احمد یسوی نینگ باشدا دورماغیندا نقشبندی، مولانا جلال الدین رومی، حاجی بایرام ولی و حاجی بکداش یالی أگیرتلر حۇراسان دان گؤزباش آلیپ، دۆشۆنجه لرینی بۆتین دۆنیأ یایراتدیلار. آهی اورن، یونس امره، ساری سالتیق، سومونجی بابا، گۆل بابا یالی أگیرتلر بۇلسا شۇل یۇلی دووام اتدیرنلر.

شۇل أگیرتلرینگ اساسی اؤزبۇلوشلیلیغی دگیشلی بۇلان اسلام مدنیتی نینگ أهلی عمومی دۆشۆنجه سینی یایبانگلاندیریارقا آصیل چتلشدیرمه زلیگی، آلادالامازلیغی، تاپاووتلیلیاری کمسیتمِزلیگی، دینی، مدنی جمغیتچیلیک پلورالیزما هم ده حۇش نیتلیلیگه ایه بۇلماغی. حأضیرکی واغتدا أهلی عمومی قیمماتلیقلار حؤکمۆنده قابول ادیلیأن قادالاری دینگه بیر ایقرار اتمه ک بیلن چأکلِه‌نمأن اۇلاری یاشاییش دورموشلاری نینگ، آحلاقی توتوملاری نینگ طالابینا اؤوۆرمِکلری. شۇل سبأپلی گۆن باتاردا تاپاووتلی دینلره اوییانلار انکزیسیونا اوغرادیلیارقا مایاق یالی أگیترلرینگ تاغاللاسی و یۇل بلتلیگی بیلن عثمانلی دؤولتینده اساسی بؤله گی عمله گتیریأن مسلمان بۇلمادیق حالقلار اؤز دینی ایغتیارلیقلارینی آرقایینلیق بیلن برجای ادیپ بیلیأردیلر. حأضیرکی دؤوۆرده أهلی عمومی قیمماتلیقلاری ایلری توتیاندیقلارینا قارامازدان حوراسان یۇلونینگ یۆزه چیقاران قاراییشا کؤپ سانلی یورتدا قابات گِلمه یأریس.

حۇراسان یۇلونینگ اساسی قادالارینی مؤولانانینگ یدی اؤوۆدی شیله بیان ادیأر:

جۇمارتلیقدا و یاردان برمه کده آقارسوو یالی بۇل.

شفقتده و مرحمتده گۆنش یالی بۇل.

باشغالاری نینگ کمچیلیکلرینی یاپماقدا گیجه یالی بۇل.

قاهار غاضابدا اؤلی یالی بۇل.

کیچی گؤوۆنلیلیکده و پِس‌پأللیکده تۇپراق یالی بۇل.

حوش نیتلیلیکده دنگیز یالی بۇل.

یا بۇلشونگ یالی گؤرۆن یا گؤرنۆشینگ یالی بۇل.

حضرت علی نینگ “آداملار یا یارادیلیشدا یان یۇلداشینگ، یا دا دینده دۇغانینگدیر” دیه ن سؤزی، حۇراسان ینگ باشلانغیچ فلسفه سینی بیان ادیأر.

تۆرکیأنینگ تجریبه سی شۇل سبأپلی شو گۆنکی گۆنده هم مسلمانلارینگ هم ده آدامزادینگ باشدان گچیریأن چتله‌شدیرمأنی؛ اۆزنگه‌لِشمه‌گی چؤزمه پتانسیلینه ایه بۇلان بلکی یکه تأک تجریبه لردن بیری بۇلسا گره ک. اۇرتا و اوزاق مؤهلِتده آدامزادینگ گلجگی تاریحی تجریبه سی بۇلان، آحلاقی تایدان اؤزله‌‍شدیریلن حۇراسان یۇلی حؤکمۆنده ده بیان ادیلیأن چمه له شمه ده دیر.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقادینگیز

تاریخ و زمان خبر

۲۳:۴۹

۲۷ اردیبهشت ۱۳۹۸

چاپ
تلگرام
اینستاگرام
گوگل پلاس
فیسبوک
توئیتر
فونت بزرگ
فونت کوچک