5f21682d708b8 300x169 - ترکیه‌ده، تورکمنلرینگ و تورکلرینگ قاهرامانی آلپ آرسلان یادلانیارتورکن نیوز: ملازگرد ینگیشی نینگ دابارالاری باشلادی

ترکیه‌نینگ بیتلیس ولایاتی نینگ آحلات شهری بیلن موش ولایاتی نینگ ملازگرد شهرینده ملازگرددأکی ینگیشینگ ۹۴۹-نجی ییللیغینا باغیشلانان دابارالار باشلادی.

۹۴۹ ییل موندان اوُزال میلادی ۱۰۷۱-نجی ییلینگ ۲۶-نجی آگوست یندا (هجری شمسی ۴۵۰-نجی ییلینگ ۳۰-نجی مردادیندا) تورکمنلرینگ اولی یوُلباشچیسی بوُلان سلچوقلی آلپ آرسلان ملازگرددأکی ینگیشی بیلن آناتولی نینگ و اوروپانینگ قاپیسینی تورکمن- تورکلره آچدی.

ملازگرد شوُل ساواشداقی ینگیش سبأپلی “تورکلرینگ آناتولا گیرن قاپیسی” دییپ بیلینیأر.

ملازگرد بیلن آحلات دا تورکیه‌نینگ هوُوا گویچلری نینگ آکروباسی توُپاری بولان تورک ییلدیزلاری، تاریحدا اؤزوندن سوز اتدیرن ینگیشینگ ۹۴۹-نجی ییللیغینا باغیشلانان دابارانی گچیردی.

نوشهیرینگ ژاندارما آت و ایت ساپاق مرکزیندن (JAKRM) 8 آت و ۸ آت چاپارینگ داباراسینا دا اولی قیزیقلانما باردی.

یاتلاما و قوتلاما دابارالاری نینگ بیرینجی گونونده دوین چاغالار اوچین ده آت چاپیلشیق، پینگ پنگ، گلف و بدمینتون یاریشی گچیریلدی.

میلادی ۱۰۷۱-نجی ییلدا ترکیه‌نینگ ملازگرد آدینداقی یرده سلچوقلی تورکمنلر و مسلمانلار بیلن بیزانس امپراتورلیغینداقی بیزانس، فرانک، روس، نورمن، گورجی، ارمنی، بلغار میللتلردن بوُلان قشونینگ آراسیندا ساواش بوُلدی.

شوُل ساواشدا سلجوقلی آلپ آرسلان ینگ ۱۵-۲۰ مونگ ساواشچیسی ۲۰۰ مونگ ساواشچیسی بولان بیزانس امپراتورلیغینی ینگدی و تاریحدا آدینی آلتین حارپلار بیلن یازدیردی.

آسیا بیلن اوروپانینگ آراسیندا بیر کوپری بوُلان آناتولی شیله لیک بیلن تورکمن تورکلر و مسلمانلارینگ الینه دوشدی و سوُنگراقی سلچوقلی و عثمانلی یوُلباشچیلار تورکمنلرینگ و تورکلرینگ آدینی و شوهراتینی اوروپانینگ اوُرتاسینا چنلی یانگلاندیردی.

تاریخ و زمان خبر

۹:۳۰

۰۴ شهریور ۱۳۹۹

چاپ
تلگرام
اینستاگرام
گوگل پلاس
فیسبوک
توئیتر
فونت بزرگ
فونت کوچک