تایتانیک گأمیسی‌نینگ قالیندیلاری قورالارتورکمن نیوز:  گأمی نینگ قالیندیلاری ۱۹۸۵-نجی ییلدا حالقارا دریالاردا تاپیلیپدی اِمما قوراغ آستینا آلینماپدی.۱۹۱۲-نجی ییلدا بیر بوزداغی بیلن چاقیشان و سووا چومِن تایتانیک آدینداقی لوکس یولاغچی گأمیسی نینگ قالیندیلاری انگلستان بیلن آمریکانینگ آراسیندا قول چکیلن ایلالاشیق بیلن قورالار.

انگلستان ینگ قاتوان وزیرلیگیندن بریلن ماغلوماتا گورأ بو ایلالاشیغا انگلستان ۲۰۰۳-نجی ییلدا قول چکیپدی.

آمریکانینگ داشاری ایشلر وزیری مایک پمپئو دا ۲۰۱۹-نجی ییلینگ سونگوندا بو ایلالاشیغا قول چکدی.

بو ایلالاشیغا گورأ گأمی نینگ قالیندیلارینی گورمه ک یا دا شول گأمیدن بیر زاتلار آلماق اۆچین آمریکا بیلن انگلستان ینگ روغصاتی بولمالی.

انگلستان ینگ دنگیزچیلیک وزیری نصرت غنی برن بیاناتیندا،

“قالیندیلاری قوراماق اوچین آمریکا بیلن بیله لیکده قۇل چکیشیلن بو أهمیتلی ایلالاشیق، ۱۵۰۰ آدامینگ همیشه‌لیک آرامگأهینأ حورمات قویولجاقدیغینی آنگلادیار” دیدی.

تایتانیک ۱۹۱۲-نجی ییلدا ایلکینجی ساپاریندا انگلستان ینگ سوث همپتون شهریندن آمریکانینگ نیویورک شهرینه باریارقا بوزداغی بیلن چاقیشیپ سووا چۆمدی.

واقادا ۱۵۱۴ آدام اؤلدی.

گأمی نینگ قالیندیلاری ۱۹۸۵-نجی ییلدا حالقارا دریالاردا تاپیلیپدی اِمما قوراغ آستینا آلینماپدی.

تاریخ و زمان خبر

۱۱:۲۸

۰۲ بهمن ۱۳۹۸

چاپ
تلگرام
اینستاگرام
گوگل پلاس
فیسبوک
توئیتر
فونت بزرگ
فونت کوچک