آمریکایی 300x185 - آمریکا ایرانینگ یوُلاغچی اوچارینینگ قوُلایینا ساواش اوچارینی ایبردیتورکمن نیوز: آمریکا دولتی، ساواش اوچارینینگ بو یوُلاغچی اوچارینا یاقینلاشاندیغینی قابول اتدی

آمریکانینگ ساواش اوچاری ایرانینگ ماهان ایر شرکتی‌نینگ یوُلاغچی اوچارینا قوُلایلادی.

تهران‌دان بیروت شهرینه باریان اوچار آمریکانینگ ساواش اوچاری‌نینگ اوُنگا قوُلایلاماغیندان سوُنگرا بیرناچه یوُلاغچی یارالاندی.

ایرانینگ داشاری ایشلر وزیرلیگی‌نینگ مطبوعات گنگه شچیسی عباس موسوی، تهران- بیروت آراسیندا اوچیان ماهان ایر یوُلاغچی اوچارینا سوریه ده بینجالیق بریلمگیندن سوُنگرا بیانات بردی.

موسوی، واقا بیلن باغلانشیقلی درنگو ایشی‌نینگ آلیپ باریلیاندیغینی آیندی و مسئله بیلن باغلانشیقلی سیاسی و حقوقی ایشلرینگ آلیپ باریلجاقدیغینی نیغتادی.

موسوی، مسئلانینگ ایرانینگ بیرلشن میللتلر قوراماسی‌نینگ همیشه لیک آغضاسی مجید تخت روانچی تاراپیندان قورامانینگ باشلیغی آنتونیو گوترشه بیلدیریلندیگینی حابار بردی.

ایرانلی ماقام، سوئیس‌ینگ تهران داقی ایلچیحاناسینا دا مسئله باراسیندا معلومات بریلندیگینی آیتدی.

ایران‌ینگ دولت تلویزیونی ایلکی بیلن بو اوچارا اسرائیلینگ ایکی ساواش اوچاری‌نینگ بینجالیق برندیگینی بیلدیریپدی.

تسنیم نیوز حابار سریشده‌سی بوُلسا ساواش اوچارلاری‌نینگ آمریکانینگ اوچارلاری بوُلاندیغینی بیلدیریپدی.

آمریکا دولتی، ساواش اوچاری‌نینگ بو یوُلاغچی اوچارینا یاقینلاشاندیغینی قابول اتدی.

تاریخ و زمان خبر

۱۷:۲۷

۰۳ مرداد ۱۳۹۹

چاپ
تلگرام
اینستاگرام
گوگل پلاس
فیسبوک
توئیتر
فونت بزرگ
فونت کوچک